کابل امنیه قوماندانلیگی سوزلاوچیسی خالد زدران نینگ سلاموطندار گه ایتیشیچه، پارتلش قیشلاقلرنی رواجلنتیریش و قیته قوریش وزیرلیگی ایشلاوچیلری نینگ موتری ده اویوشتیریلیب و ۸ کیشی یرهلنگن.
مذکور پارتلش بوگون (چهارشنبه، ۱۱ عقرب) کابل شهری بیشینچی خوفسیزلیک حوزه حدودلری «کارتهی مأمورین» منطقهسیده یوز بیرگن. قیشلاقلرنی رواجلنتیریش و قیته قوریش وزیرلیگی ایشلاوچیلری نینگ «کاستر» رسوملی موتری سرک چیکهسیده ییرلشتیریلگن ماین گه دوچ بولگن.
بیزلرنینگ فیسبوک صحیفهمیزگه باش اورینگ!
کابل امنیه قوماندانلیگی سوزلاوچیسی نینگ کوپهیتیریشیچه، دستلبکی معلوماتلر اساسیده، حادثه طفیلی ۸ کیشی یرهلنگن. اونگه کوره، یرهدارلر درمان اوچون کسلخانه گه انتقال بیریلگن.
خالد زدران نینگ ایتیشیچه، پارتلش محلی اسلامی امارت خوفسیزلیک کوچلری تامانیدن تیکشیریلماقده.
بیزلرنینگ توییترده هم تعقیب قیلینگ!
اوشبو پارتلش مسئولیتینی حاضرگچه هیچ کیم یا گروه زمهسیگه آلمهگن.