خلقارا ایکینچیلیک و چاروهچیلیک بیرینچی کورگزمهسی بوگون (۲۰-اسد/۱۱-اگست، سهشنبه)، افغانستان ایکینچیلیک و چاروهچیلیک اتاقی آرقهلی کابل چمن حضوریده آچیلگن.
ایکینچیلیک، سووغاریش و چاروهچیلیک وزیری عطاءالله عمری، بو کورگزمهنینگ آچیلگنیدن مقصد اقتصاد مستحکملنیشی، ایکینچیلیک سکتوری ترقیاتی، ایچکی تولیدلردن فایدهلنیش فرهنگی رواجلنیشی و قوللب-قوتلنیشی همده ایکینچیلیک و چاروهچیلیک بولیملریده ایچکی و تشقی سرمایه یاتقیزیلیشلرنینگ جذب قیلینیشی عنوان قیلگن. «مذکور کورگزمهنینگ ینگی همکارلیکلرنی کینگهیتیریش، سرمایه یاتقیزیلیشنی جذب قیلیش، سودا علاقهلرینی رواجلنتیریش همده افغانستان ایکینچیلیگی و چاروهچیلیگیده ینگی ترقیات و رونق دورینینگ باشلنیشیگه زمینه یرهتهدی دیب امید قیلهمیز.»
سودا و صناعت وزیری نورالدین عزیزی، ایکینچیلیک بولیمیده زمانهوی تکنولوژی فایدهلنیشیگه تاکیدلهدی. «اوشبو کورگزمه یوتوق بیلن توله دیر و بیرینچی مکانیزه کورگزمهسی دیر. بو افغانستان و افغانستاننینگ ایکینچیلیک سکتوری اوچون یخشی بیر خبر دیر. اهالیدن ایکینچیلیک بولیمیدهگی بار تکنولوژیدن فایدهلنیشلرینی ایستهیمیز.»
یولگه قویگنلرنینگ ایتیشلریچه، یوزلب ایچکی کمپنیه و سوداگر گه علاوه، اوزبیکستان، روسیه، ایران، تورکیه و هندوستان هم بو کورگزمه گه حضوری بولیب، ایکینچیلیک، چاروهچیلیک و صناعت بولیملریده اوز محصوللری، تکنولوژی و خذمتلرینی نمایش گه قویگنلر.
کابل ده ایران ایلچیسی علیرضا بیکدلی، اوشبو کورگزمهنینگ آچیلیش مراسمیده ایتیشیچه، ایران دن غرفه گه ایگه بولگن ۳۵ کمپنیه و کوریب چیقووچی ۲۰ کمپنیهنینگ بو کورگزمه گه حضوری بولیب و افغانستاننینگ ایکینچیلیک سکتوریده سرمایه یاتقیزیشگه قیزیققنلر. «ایران، غرفه گه ایگه بولگن ۳۵ کمپنیه و کوریب چیقووچی ۲۰ کمپنیه بیلن اوشبو کورگزمه گه شرکت قیلگن. مذکور شرکتلر افغانستان ده سرمایه یاتقیزیشگه قیزیققن دیر. ایران ایکینچیلیک و چاروهچیلیک بولیملریده افغانستان بیلن همکارلیگی بولیب و مقصدیمیز افغانستان دن تشقیگه بو مملکت محصوللری صاداراتی اوچون امکانیت یرهتیلیشی و تولید کوپهیشی دیر.»
شوندهی بیرحالده، شرکت قیلگنلردن قطاری مذکور کورگزمه آرقهلی محصوللریگه بازار تاپیلیشی توغریسیده امیدوارلیک بیلدیرگنلر.
غرفهدارلردن بیری احمدشاه جلالنینگ ایتیشیچه: «عسل اریسینی کیلتیردیک و اونی اهالیگه تانیشتیردیک. اسلام امیرلیگیدن محصوللریمیزگه بازار تاپیلیشی و ایچکی بازار یانیده، بیزلرگه تشقی بازار تاپیشلرینی ایستهیمیز.»
غرفهدارلردن باشقه بیری عبدالله امیری، بو کورگزمه اوتکزیلگنیدن خورسندلیک بیلدیریب، ایکینچیلیک محصوللری ساتیلیشی اوچون خلقارا بازارلرگه قول تاپیش امکانیتی یرهتیلیشینی ایستهگن. «اصلاح بولگن تورلی اوروغنی کیلتیرگنمیز. بو کورگزمهلر اوتکزیلیشی بیزلر اوچون جودهیم یخشی دیر، چونکه اهالی کیلهدی و آگاهیلیک قولگه کیلتیرهمیز. اسلام امیرلیگیدن بیزلرگه بازار یرهتیلیشینی سورهیمیز.»
بیش کونلیک بو کورگزمهده، ایکینچیلیک و باغ محصوللری، لبنیات، ایکینچیلیک ماشینلری، طبی اوسیملیکلر، قویاش ایشلب چیقرووچی دستگاهلر و قول صناعتی ۵۰۰ غرفهده نمایشگه قوییلگن.
