افغانستان ده‌گی سونگی اوزگریش و اقتصادی وضعیت آغیرلشیدن کیین، اهالی حتا کیله‌جککه نسبتن امیدسیز بولگن بیر حالده، کابل ده قول صناعتی بیر شرکت ۱۰۰ دن آرتیق خاتین قیز گه اورگه‌تیش شرایطینی یره‌تیب و اولرنی ایش بیلن تأمینله‌گن.
کابل ده صناعتی شرکت‌لردن بیری نینگ مسئولی نگینه شعیب حفیظی گه کوره، اولر خاتین قیزلر نینگ اقتصادی قیینچیلیکلری حلی اوچون کابل ده ایکی خیاط لیک ایشخانه ایجاد ایتگنلر. اونینگ ایتیشیچه، خاتین قیزلر خیاط لیک قیلیش‌لری گه علاوه اولر گه بیر مقدار معاش بیریله‌دی.
بیزلرنینگ فیسبوک صحیفه‌میزگه باش اورینگ!
خانم حفیظی نینگ ایتیشیچه:《سابق دولت اداره‌لریده ایشله‌یدیگن عیاللر حاضر بیکار، اولر بیکارچیلیک و پریشان‌لیک دن اوزلرینی قوتقریش و عایله‌لری نفقه‌سینی تامینلش اوچون بو ییرده کیلیب ایشله‌یدیلر.》
عین‌حالده، اوشبو ایشخانه ده اشتراک ایتگن عیاللردن بیری رابعه جویا نینگ سلام‌وطندار گه ایتیشیچه، بوندن آلدین اوقیتووچی ایدی و آلتینچی صنف دن یوقاری قیزلر نینگ مکتب‌لری یاپیلیشی بیلن مکتب بارمه‌گن. رابعه اقتصادی قیینچیلیک باعث بدخشان دن کابل کیلگن و اوچ آی دن بویان اوشبو ایشخانه ده خیاط لیک قیله‌دی.
باشقه تاماندن، ۱۱ و ۱۲ـ صنف اوقووچیلری رخسار راسخ و شریفه همت حاضر خیاط لیککه یوز کیلتیرگنلر. اولر بو ایش گه یوز کیلتیریش سببینی آلتینچی صنف دن یوقاری قیزلر نینگ مکتب‌لری یاپیق قالیشی عنوان قیلیب و قیزلر نینگ مکتب‌لرینی یاپیش گه عاید اسلامی امارت نینگ قراری دن تنقید ایته‌دیلر. اوقووچی قیزلر نینگ سلام‌وطندار گه ایتیشلریچه، اوزلرینی مصروف قیلیش اوچون اوشبو ایشخانه گه کیلگنلر.
برچه‌سی بیلن، اوشبو ایشخانه ده اشتراک ایتگن اوقووچیلردن قطاری، بو ییرده کیلیش سببینی اقتصادی قیینچیلیک و ایش‌سیزلیک عنوان قیلیشه‌دی. کابل ده خصوصی بیلیم یورت دن ینگی لیکده فارغ بولگن ذکیه کریمی گه کوره، بیر مدت اوی ده بیکار ایدی و ایش‌سیزلیک دن قوتیلیش اوچون مذکور ایشخانه گه باریش دن باشقه چاره تاپمه‌گن.
بیزلرنینگ توییترده هم تعقیب قیلینگ!
شو بیلن بیرگه، اوشبو ایشخانه ده اشتراک ایتگن‌لردن باشقه بیری نورجان نور رضایی گه کوره، مملکتده‌گی سونگی اوزگریش دن کیین ایری بیکار قالگن و حاضر عایله‌سی نینگ خرجتینی اوزی تأمینله‌یدی. او اوشبو ایشخانه دن آله‌دیگن معاشی دن راضی دیر.
ایتیش کیره‌ک که، مذکو ایشخانه تورت بولیم خامک دوزلیک، موره دوزلیک، کرشنل و خیاط لیک ده ایکی دوره ده، اوچ آی معاش و آلتی آی فعالیت قیله‌دی.
