ایشسیزلر و قشاقلر سانی کوپهیشی و ایشلردن کوپینچهسی نینگ تنزل گه یوز توتیشی بیلن، کابل شهریدهگی قدیمی رستورانتلر ایگهلری نینگ ایتیشلریچه، ایشلری نینگ کیلهجگی خصوصیده امیدلری بار و مشتریلری نینگ حفظ قیلیش اوچون سعی و حرکت قیلماقدهلر.
کابل شهری نینگ جاده میوندده جایلشگن بابا ولی رستورانت ایگهسی فواد نینگ ایتیشیچه، ۶۴ ییل آلدین آتهسی اوشبو رستورانت نی قندهارده ایجاد قیلیب و کیین ایسه کابل گه انتقال بیرگن دیر.
فواد نینگ کوپهیتیریشیچه، مذکور رستورانتده چاینکی، قابلی و باشقه سنتی ییمکلر تیارلنهدی. فواد گه کوره، مشتریلری کمهیشی بیلن، اوشبو رستورانت باغلنمسلیگی اوچون سعیوحرکت قیلماقده.
بیزلرنینگ فیسبوک صحیفهمیزگه باش اورینگ!
اونینگ ایتیشیچه: «رستورانت نی یاپیش نیتیمیز یوق. سعیوحرکتدن قول تارتمهیمیز. خدا کریم و رحیم و خدا مهربان دیر. بو کونلر اوتهدی و بو وضعیت برچه نی اوستیگه کیلگن. سعیوحرکت قیلهمیز و روزی بیرهدیگن خدا دیر. بو ایش بابه و اجدادیمیزدن قالگن، اولر نینگ نام و نشانی اوچون بو ایش نی آلغه آلیب باریش گه مجبورمیز.»
شونینگدیک کابل نینگ شهرنویده سخی رستورانت ایگهسی مسعود، ۱۷ ییلدن بیری تورلی ییمکلر تیارلب اهالی نی یخشی کوتیب آلهدی. اونینگ ایتیشیچه، مشتریلری نینگ کمهیشی بیلن، بیراق کونده بیر مینگ گه یقین مشتریسی بار.
مسعود نینگ کوپهیتیریشیچه: «ماهیچه، چاینکی، پایچه قورمه، قابلی، ملنگ و لاندی پلو کبی محلی و وطنی ییمکلر پیشیرهمیز. ایشلر اوتمیش کبی ایمس، بیراق ینه هم خدا مهربان، انشاءالله ایشلر یخشی بولهدی.»
کابل نینگ خیرخانه منطقهسیدهگی رستورانت ایگهلریدن باشقه بیری شهریار ساتیش کمهیشیدن شکایت قیلیب ایتیشیچه، کوپینچه پیتده تیارلنگن ییمکلردن برچهسی ساتیلمهیدی.
بیزلرنینگ توییترده هم تعقیب قیلینگ!
بیراق او امیدوارلیک بیلدیریب ایتیشیچه: «دوام بیریش گه مجبورمیز چونکه، انسان یشهیدی و انه شوو سبب، ایشلشی کیرهک. ایشیمیز گه دوام بیرهمیز و خداوند اوزی کمک قیلسین.»
سونگی نیچه ییلده کابل شهریده یوزلرچه زمانهوی رستورانتلر نینگ ایجاد بولیشی یانیده، شونینگدیک قدیمی رستورانتلر، تورلی سنتی ییمکلر تیارلش بیلن اوزلری نینگ مخصوص مشتریلری بولیب و بوتوغریده مؤفق بولگنلر.