کابل ده عیال‌لردن بیر قطاری اسلام امیرلیگی نینگ قدرت گه ایریشگنیدن کیین، «واوا آشخانه و رستورانت بانوان افغان» اسمی عنوانیده بیر رستورانت آچگنلر. مذکور عیاللر سونگی کون‌لرده اسلام امیرلیگی تامانیدن باسیم و چیکلاولر یره‌تیلیشیدن شکایت قیلیب ایتیش‌لریچه، سونگی کون‌لرده ایش‌لری تنزل گه یوز توتگن.
اوشبو رستورانت اساسچی‌سی سمیره محمدی نینگ سلام‌وطندار گه ایتیشیچه، مذکور رستورات آچیلیشیدن اساسی مقصد، عیاللر نی قوللب-قوتلش دیر؛ بیراق اسلام امیرلیگی تامانیدن یره‌تیلگن چیکلاولر ۹۵ فایز ایش‌لری اوستیگه تأثیر قیلیب و درآمد‌لری کمه‌یگنی سبب، ایشلاوچیلری نینگ رقمی هم کمه‌یگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «مذکور رستورانت نی اسلام امیرلیگی نینگ قدرت گه ایریشگنیدن کیین عیاللر گه ایجاد قیلدیک و بو ییرده ۱۴ عیال بیزلر بیلن ایشله‌یدی. اولر‌دن برچه‌سی اقتصادی قیین‌چیلیک بیلن روپه‌ره ایدی و اولر اوز قیین‌چیلیک‌لری نی حل قیلیش‌لری اوچون اوشبو رستورانت نی ایجاد قیلدی.»
بانو محمدی نینگ ایتیشیچه، مذکور رستورانت‌ده افغانی محلی ییمک‌لری عیاللر آرقه‌لی تهیه بولیب و مشتری‌لر گه عرضه بوله‌دی. اونینگ کوپه‌یتیریشیچه: «بیزلر بو ییرده منتو، آشک و بولانی کبی افغانی ییمک‌لر پیشیره‌میز. اوتمیش‌ده ۲۲ کیشی ایدیک و ایکی پیت ایشله‌ر ایدیک؛ بیراق چیکلاولر یره‌تیلگنیدن کیین، مشتری و درآمد کمه‌یگن و شونینگدیک ایشلاوچیلری‌میز هم کمه‌یدی؛ لیکن حاضرگچه اوشبو رستورانت آچیق و ایشیمیز گه دوام بیره‌میز.»
بیزلرنینگ توییترده هم تعقیب قیلینگ!
شونده‌ی بیرحالده، اوشبو رستورانت‌ده ایشله‌یدیگن عیال‌لردن بیری سحر عزیز نینگ ایتیشیچه، آته‌سی اولگن دیر و او بیلن سینگلی اوی نینگ سرپرسی دیر. اونگه کوره، اسلام امیرلیگی آرقه‌لی چیکلاولر کوپه‌یگنیدن کیین، فعالیت و درآمد‌لری نظیری کوریلمه‌گن درجه‌ده کمه‌یگن.
باشقه بیر تامان‌دن، مذکور رستورانت‌ده ایشله‌یدیگن عیال‌لردن باشقه بیری حسنا محمدی نینگ ایتیشیچه: «اوتمیش‌ده هم عیاللر و هم ده ایرکک‌لر مشتری‌میز بار ایدی؛ بیراق تعلیمی مرکزلر و بیلیم یورت‌لر نینگ یاپیلگنیدن کیین، مشتری‌لریمیز کمه‌یگن و درآمدی‌میز هم کمه‌یگن. بو تور دوام قیلگنی صورت‌‌ده، ایشیمیز گه دوام بیره آلمه‌‌ی و رستورانت نی بند قیلیش گه مجبور بولیشی‌میز ممکن.»
عین حالده، اسلام امیرلیگی نینگ قدرت گه ایریشگنیدن کیین، عیاللر نینگ تعلیمی و ایشی خصوصیده کوپینچه چیکلاو یره‌تیلگن دیر.
