پایتخت یشاوچی‌لریدن قطاری کابل شهریده ییگولیک ماده بهاسی یوقاری کیتگنیدن خواطر بیلدیریب ایتیش‌لریچه، مملکت فقرالریدن کوپینچه‌سی فقر چیزیغی آستیده قرار تاپگن بیرحالده، ییگولیک ماده بهاسی یوقاری کیتگن.

اولرگه کوره، هرات نینگ اسلام‌قلعه گمرکی باغله‌نیشی و رمضان آیی ییتیب کیلیشی بیلن دکاندارلر ییگولیک ماده بهاسینی کوتاریش اوچون سعی و حرکت قیلیشه‌دی.

پایتخت یشاوچی‌لری نینگ کوپه‌یتیریشیچه، حکومت کابل بازارلریده قیمت‌لرنی تینگ قیلیش اوچون کوچ‌سیز دیر.

کابل یشاوچی‌لریدن بیری عادل نینگ ایتیشیچه: «بیر سیر کچالو ۱۰۰ افغانی ایدی، حاضر ۱۷۰ افغانی بولگن. بیر پاکت یاغ ۴۰ افغانی ایدی، حاضر ۱۰۰ یا ۱۱۰ افغانی بولگن. اهالی نینگ قیینچیلیگی کوپ دیر. اون نینگ بهاسی ۲۰۰ افغانی گچه یوقاری کیتگن.»

صنعت و سوداگرلیک وزیرلیگی کابل بازارلریده قیمت‌لر یوقاری کیتگنی نی تن آلیب بیراق ایتیشیچه، بازارلرنی تیکشیریش و نظارت قیلیش اوچون صنعت و سوداگرلیک وزیرلیگی تامانیدن نظارت قیلووچی بیر کمیته ایجاد ایتیلگن.

مذکور وزیرلیک سوزلاوچیسی فواد احمدی نینگ ایتیشیچه،‌ ییگولیک ماده‌لرنی یوقاری بهاگه ساته‌دیگن کیشیلر بیلن قانونی یول باریله‌دی.

شونده‌ی بیرحالده، معلومات و احصائیه اداره‌سی ییگولیک ماده بهاسی ایکی فایز یوقاری کیتگنیدن خبر بیریب ایتیشیچه،‌ یاغ بهاسی ۱.۳ فایز،‌ میوه بهاسی ۱.۶ فایز و گوشت بهاسی ایسه ۱.۹ فایز یوقاری کیتگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام