کابل شهری دولتی مکتبلردن فارغ بولگن قیز اوقووچیلردن قطاری نینگ ایتیشلریچه، فارغ بولگنلریدن ایکی_اوچ اوتسه ده؛ بیراق شهادتنامهلرینی حاضرگچه آلیشه آلمهگن.
اولر گه کوره، شهادتنامه هر بیر اوقووچی نینگ مسلم حقی دیر و پولینی مکتبلری نینگ سرمعلملری گه توللشگن، بیراق حاضرگچه آلیشه آلمهگن.
کابل یشاوچیسی مژگان، ایکی ییل آلدین کابل شهری آلتینچی ناحیهسیدهگی مکتبلر نینگ بیری دن فارغ بولگن، سلاموطندار گه ایتیشیچه: «فارغ بولگنیمدن ایکی ییل اوتماقده، لیکن حاضرگچه شهادتنامه آلگنیم یوق، پولینی هم توللـهگن من.»
کابل شهری بیشینچی ناحیهسیده، دولتی مکتبلر نینگ بیری دن فارغ بولگن قیز اوقووچیلردن باشقه بیری مدینه گه کوره: «۱۴۰۰_ییل ده مکتب دن فارغ بولدیم، شهادتنامه اوچون مکتب گه باش اورسک، مکتب سرمعلمی ۱۳۹۸_ییل شهادتنامهلری حاضرگچه کیلگنی یوق، ینه بیر یا ده ایکی ییل گچه کوتینگلر دیدی.»
بیزلرنینگ فیسبوک صحیفهمیزگه باش اورینگ!
فارغ بولگن اوقووچیلردن قطاری، شهادتنامه پولینی مکتبلری نینگ سرمعلم لری گه توللشگن ایتیشلریچه، تحصیللرینی دوام بیریش اوچون فراغت حجتی گه نیاز بولگنلیگی سبب، شهادتنامه آلیش اوچون اوزلری شهر معارفی ریاستی گه درخواست بیریش گه مجبور بولگنلر.
عینحالده، کابل شهری تورلی ناحیهلریدهگی مکتبلر مسئوللری نینگ ایتیشلریچه، ۱۳۹۷_ییل دن ۱۴۰۰_ییل نینگ شهادتنامهلری پولینی شهر معارفی ریاستی گه توللشگن، بیراق فارغ بولگنلر نینگ شهادتنامهلری ایشی حاضرگچه قانونیلشتیریلمهگن.
کابل شهری اون ییتینچی ناحیه سیده دولتی مکتبلردن بیری نینگ سرمعلمی سوسن مسعودی گه کوره: «۱۳۹۷_ییل شهادتنامهلرینی آلدیک بو ریاست نینگ ایشی دیر، مراجعت قیلگن حالده شهادتنامهلریمیز نیگه پرینت بولمهیدی دیب سورهگنده قاغذ یوق دیب جواب بیرر ایدیلر، ۱۳۹۸_ییل نینگ شهادتنامهسی حاضرگچه نوبت گه قوییلگن.»
کابل شهری ده دولتی مکتبلردن باشقه بیری نینگ سرمعلمی مونسه احدی، شهر معارفی ریاستی ایشلریدن شکایت قیلیب ایتیشیچه: «۱۴۰۱_ییل ده فارغ بولگنلردن ایکی برابر پول آلیندی، مکتب تامانیدن اولر گه شهادتنامهلری تیزلیک بیلن بیریلیشی وعده قیلینگن، بیراق حاضر ایشلری توختهگن.»
بیزلرنینگ توییترده هم تعقیب قیلینگ!
شو بیلن بیرگه، شهر معارفی ریاستی دن بیر منبع گه کوره، حاضرگچه سابق حکومت زمانیده فارغ بولگن ۲۰۰ مینگ شهادتنامه نینگ ایشی قالگن.
مذکور منبع، کیملیگی سر قالیش شرطی بیلن سلاموطندار گه ایتیشیچه: «سابق ییللردن ۲۰۰ مینگ شهادتنامه قالگن، قنچه کوشش قیلسک هم اوقووچیلر فارغ بولیب اولر اوستیگه علاوه بولهدی و حاضر ۱۳۹۸_ییل شهادتنامهلری اوستیگه ایشلهماقده میز.»
عینحالده، اوتگن ییللرده مکتب دن فارغ بولگن اوقووچیلر، قیسقه مدت ایچیده مکتبلریدن انفرادی شکلده شهادتنامهلرینی آلر ایدیلر.