Asset 1SWN

کابل ده بیر نهاد ۴۰۰ کمبغل عایله گه آزیق-آوقات یاردم بیردی

1 kabul

مهاجرلر وزیرلیگی و «افغان عیال‌لر اوچون عیال‌لر» نهادی، بوگون (سه‌شنبه، ۲-جوزا)، کابل شهریده ۴۰۰ کمبغل عایله گه آزیق-آوقات یاردم بیرگنلر که، اوشبو یاردم‌لر آره‌سیده، اون، یاغ، برنج و بیر قطار ییگولیک ماده شامل دیر.  

افغان عیال‌لر اوچون عیال‌لر نهادی مسئولی فرید‌الدین نوری نینگ ایتیشیچه: «بو برنامه‌دن مقصدیمیز کمبغل عایله‌لر گه یاردم بیریش دیر. اوشبو یاردم‌لر اوی سرپرستی بولگن عیال‌لر و کمبغل عایله‌لر گه ترقه‌تیله‌دی. بو ایکینچی برنامه‌میز دیر، سابق هم ۴۰۰ عایله گه یاردم بیرگن ایدیک و شونینگدیک کیله‌سی هفته هم، باشقه ۴۰۰ عایله گه یاردم بیره‌میز.»

نوری نینگ کوپه‌یتیریشیچه، جاری میلادی ییل جریانیده مهاجرلر وزیرلیگی هماهنگ‌لیگی‌ بیلن کابل شهریده، ۱۵۰۰ نیازمند عایله‌ گه آزیق-آوقات یاردم بیریلیشی گه قرار آلینگن.

بیزلرنینگ فیسبوک صحیفه‌میزگه باش اورینگ!

عین حالده، مهاجرلر وزیرلیگی سرپرستی خلیل‌الرحمان حقانی نینگ ایتیشیچه، تشقی تشکیلات‌لر همکارلیگی بیلن کمبغل عایله‌لر گه اوشبو یاردم‌لر ترقه‌تیلیشی نینگ دوام تاپیشی ممکن.

کابل نینگ مرکزی سیلوسی گه یاردم قولگه کیلتیریش اوچون کیلگن سکیز کیشی‌لیک عایله سرپرستی بولمیش مینه‌گل نینگ ایتیشیچه، قشاق‌لیک سبب عایله‌سی اوچ کون نی آچ اوتکزگن دیر.

بیزلرنینگ توییترده هم تعقیب قیلینگ!

مینه‌گل نینگ کوپه‌یتیریشیچه: «تورموش اورتاغیم میدان‌وردک قتناو یولیده اولدیریلدی، اقتصادی‌ وضعیتی‌میز یامان دیر. ۸ ییتیمیم بار و ایکی-اوچ کون‌دن بیری آچ‌میز. شونینگدیک کوپینچه کون‌لر ایسی یالغیز بیر پیت آوقاتی نی قولگه کیلتیره‌ آله‌میز.»

شونینگدیک چقه‌‌لاغی بیلن یاردم قولگه کیلتیریش اوچون کیلگن کریمه نینگ ایتیشیچه، تورموش اورتاغی ایش‌سیز بولگن و یامان اقتصادی وضعیت‌ بیلن روپه‌ره بولیب، یقین‌داشلری آرقه‌لی یاردم بیریلمه‌گنی تقدیرده، آچلیک بیلن روپه‌ره بولیش‌لری ممکن. «تورموش اورتاغیم سابق دولت‌ده عسکر ایدی. حاضر ایسه ایش‌سیز بولگن و عایله‌ده ۷ عیال‌میز. ۶ آی‌دن بیری اوی کرایه‌سی نی بیرگنی‌میز یوق. باشقه‌لر نینگ یاردمی بیلن حیاتی‌میز نی کیچیره‌میز.»

شونده‌ی بیرحالده، کابل مهاجرلر ریاستی رئیسی عبدالمتین رحیم‌زی نینگ ایتیشیچه، کابل ده عیال‌لر و نیازمند کیشی‌لر گه ایش زمینه‌سی یره‌تیلیشی خصوصیده سعی و حرکت قیلماقده‌لر.

ایتیش کیره‌ک که، اوتگن ایکی ییل جریانیده، انکشافی پروژه‌لر توخته‌تیلگنی، دنیا یاردم‌لری کمه‌یشی و ایش‌سیزلیک گرافی یوقاری کیتیشی، افغانستان ده انسان‌پرورلیک یاردم‌لر خصوصیده نیازمندلر سانی نی کوپه‌یتیرگن دیر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام