اوزبیکستان تامانیدن قربان هییتی مناسبتی بیلن همده افغانستاننینگ سوو تاشقینلریدن جبر کورگن اهالیسینی قوللب-قوتلش مقصدیده انسان پرورلیک یاردمی یوباریلگن.
اوشبو یاردملر بوگون (۴ جوزا/۲۵ می، دوشنبه) حیرتان بندریگه ییتیب کیلگن و اوزبیکستان جمهور باشلیغی شوکت میرضیایفنینگ تاپشیریغی اساسیده یوباریلگن.
انسان پرورلیک یاردمینی تاپشیریش مراسمی بلخ ولایتی حیرتان بندریده بولیب اوتگن. اونده اوزبیکستاننینگ افغانستان بوییچه مخصوص وکیلی عصمتالله ایرگشوف، سرخاندریا ولایتی حاکمی اولوغبیک قاسموف همده بلخ ولایتی حاکمی اورین باسری نورالهادی ابوادریس و ایکی تامان رسمیلری اشتراک ایتگن.
۲۰۰ تُن آزیق-آوقت محصولاتلری آرتیلگن یوک ترکیبیدن اون، گوروچ، شکر، مکرانی، اوسیملیک یاغی، نخود همده تیز تیارلنهدیگن محصولاتلری اورین آلگن.
افغانستاننینگ ایریم ولایتلریده سونگی کونلرده یوز بیرگن سوو تاشقینلری عاقبتیده ۶ کیشی اولیب و ۱۱ کیشی یرهلنگنی ایتیلگن.
