افغانستان مرکزی بانکی نینگ آماری اساسیده، اسلام امیرلیگی نینگ قدرت گه ایریشگنیدن کیین، افغانستان گه انسانپرورلیک یاردملر میزانی ایکی میلیارد ۷۳ میلیون دالردن آشگن دیر؛ بیراق اقتصادی ایش بیلرمانلر نینگ ایتیشلریچه، اوشبو یاردملر افغانستان ده انسانی بحران نی مدیریت قیلیش اوچون ایمس، بلکیم افغانی پول ثباتیدن حمایت قیلیش اوچون صورت تاپگن.
اقتصادی ایش بیلرمان تاجمحمد تلاش نینگ ایتیشیچه: «افغانستان ده اسلام امیرلیگی نینگ قدرت گه ایریشگنیدن بویان، انسانپرورلیک یاردملر میزانی ۲ میلیارد و ۷۳ میلیون دالر گه ییتیشگن که، اوشبو یاردملر افغانستان ده قشاقلیک نینگ کمهیتیریش ایمس، بلکیم افغانی پول ثباتی اوچون دیر.»
اقتصادی ایش بیلرمانلردن قطاری نینگ ایتیشلریچه، افغانستان گه بولهدیگن انسانپرورلیک یاردملر آز دیر و نیازمند کیشیلر نینگ حیاتی خصوصیده هیچ قندهی تغییر ایجاد قیلمهگن.
بیزلرنینگ فیسبوک صحیفهمیزگه باش اورینگ!
اقتصادی ایش بیلرمان عبدالنصیر رشتیا نینگ ایتیشیچه: «انسانپرورلیک یاردملر دیر و اهالی حیاتی گه تغییر کیلتیرمهیدی. حکومت پول اختیاری نی آلیب و باشقه مملکتلر بیلن تفاهم قیلیشی کیرهک.»
بیرلشگن ملتلر تشکیلاتی نینگ انسانپرورلیک یاردملر نی هماهنگ قیلووچی دفتری یا-ده اوچا، افغانستان ده ۲۴ میلیوندن آرتیق کیشی نینگ یامان اقتصادی وضعیتده حیات کیچیریشلری و انساندوستلیک یاردملر گه کوپراق نیازمند بولگنلری نی بیان قیلگن ایدی.
شوندهی بیرحالده، کابل یشاوچیلریدن رفیعالله تورت کیشیلیک عایله سرپرستی دیر. اونینگ ایتیشیچه، قشاقلیک سبب، او و عایلهسی خیمهده حیات کیچیرهدیب، آزیق-آوقاتلری هم یوق دیر.
شونینگدیک اونینگ کوپهیتیریشیچه، شو رقم بیر وضعیتده انسانپرورلیک یاردملر گه هم قول تاپه آلمهگنلر.
اونگه کوره: «نادارلیک سبب، خیمهده حیات کیچیرهمن و کیچه گه نان تاپگنیمیز پیتده، ایرتنگ اوچون خواطردهمیز و حاضرگچه هیچ قندهی یاردم هم قولگه کیلتیرگنیمیز یوق.»
کابل یشاوچیلردن باشقه بیری خلیل نینگ ایتیشیچه: «کوپینچه اقتصادی قیینچیلیکلر بیلن روپهرهمیز و آزیق-آوقات گه قول تاپه آلمهیمیز. اویده هیچ نرسه یوق و برچه یاردملر نی محلی زورمندلر آلهدی.»
بیزلرنینگ توییترده هم تعقیب قیلینگ!
شوندهی بیرحالده، اقتصاد وزیرلیگی مسئوللری نینگ ایتیشلریچه، بیرلشگن ملتلر گه انسانپرورلیک یاردملر اورنیده ایش زمینهسی یرهتیلیشی خصوصیده بیر طرح نی پیشنهاد بیرگنلر.
اوشبو وزیرلیک سوزلاوچیسی عبدالرحمان حبیب نینگ ایتیشیچه: «انسانپرورلیک یاردملر آز دیر و اهالی حیاتی گه هیچ قندهی تاثیری یوق. بیرلشگن ملتلر تشکیلاتی گه بیر طرح نی بیرگنمیز که، مذکور یاردملر اسلام امیرلیگی گه تیگیشلی بیر نهاد آرقهلی اهالی گه ترقهتیلسین.»
اسلام امیرلیگی نینگ قدرت گه ایریشگنیدن کیین، خلقارا نهادلردن کوپینچهسی افغانستان ده فعالیتی نی توختهتگن و شونینگدیک ایشسیزلیک رقمی هم کوپهیگن دیر که انهشوو سبب، مملکتده قشاقلیک رقمی کون اوتیشی بیلن کوپهیب و یشاوچیلر نینگ انسانپرورلیک یاردملر گه نیازلری کوپهیگن دیر.