مملکت تیمیر ایریتیش اویوشمهسی مسئوللری، تیمیر محصولاتلری ایشلب چیقریش حجمی آشگنینی معلوم قیلیب، افغانستاندن تشقری چیتایل بازارلریگه صادر قیلینیشنی ایستهیدیلر.
افغانستان تیمیر ایریتیش ایشخانه اویوشمهسینینگ اجرائیه باشلیغی عبدالنصیر رشتیا، بوگون (۹ سنبله/۳۱ آگست، دوشنبه) بلخ ولایتی گه قیلگن سفری چاغیده، مملکتده تیمیر محصولاتلری بوییچه ایچکی ایشلب چیقریش حجمی حاضرده کونیگه ییتی مینگ تُن گچه ییتگنینی معلوم قیلدی.
رشتیا جنابلری، مملکتده حاضرده کونیگه ییتی مینگ تُن ایشلب چیقریش کوچیگه ایگه ۵۰ ته ایشخانه فعالیت یوریتهیاتگنینی، افغانستانده ایسه تیمیر محصولاتلرینینگ کونلیک استعمالی قریب اوچ مینگ تُننی تشکیل ایتیشینی بیلدیردی.
او حکومتدن، اوشبو محصولاتنی چیتایل بازارلریگه صادر قیلیش زمینهسینی یرهتیشگه قوشیمچه، تیمیر ایریتیش اوچون ینگی ایشخانهلر گه رخصتنامه بیریلمسلیگینی سورهیدی.
افغانستان تیمیر ایریتیش ایشخانه اویوشمهسینینگ معلوماتلریگه کوره، مملکتده حاضرگچه تیمیر ایریتیش ساحهسیده ۷۰۰ میلیون دالردن آرتیق سرمایه کیریتیلگن و قریب ۶۰ مینگ کیشی ایسه ایش بیلن تأمینلنگن.
