ایش و اجتماعی ایشلر وزیرلیگی بوگون (یکشنبه، ۱۸-سرطان)، کابل ده ینگی‌لیکده دوالنگن معتاد‌لر اوچون، «امید» اسمی آستیده کسب-کار اورگتیش مقصد بیر ایشخانه نی ایجاد قیلگن.
اوشبو وزیرلیک نینگ تخنیک و کسب_کار اورگه‌تیش و مهارت‌لرنی آشیریش باشلیغی عبدالواحد فایض نینگ ایتیشیچه، مذکور ایشخانه ده ینگی‌لیکده دوالنگن معتاد کیشی‌لر تیکووچیلیک، برق، بیک تیکیش، بوت تیکیش و برقی جهازلرنی توزه‌تیش بولیم‌لریده اوچ آیگچه تعلیم کوره‌دیلر.
بیزلرنینگ فیسبوک صحیفه‌میزگه باش اورینگ!
فایض نینگ کوپه‌یتیریشیچه، اوشبو تعلیمی دوره‌ده، اوشبو بولیم‌لرده ۵۰۰ کیشی تعلیم کوره‌دی.
اوشبو ایش‌خانه‌ده ایش اورگنه‌دیگن مجیب‌الرحمان افغان نینگ ایتیشیچه: «دولتی اداره‌لرده برق بولیمی‌ده ایش بیلن شغللنیش نی ایسته‌یمیز که، قیته معتاد بولمه‌ی و عایله‌لریمیز نینگ خره‌جتی نی تامین قیله‌یلیک.»
بیزلرنینگ توییترده هم تعقیب قیلینگ!
مذکور ایش‌خانه‌ده ایش اورگنه‌دیگنلردن باشقه بیری سنیل، اوشبو دوره نینگ یکونلنیشی بیلن ایش‌سیز قالیب و قیته مخدره ماده گه چلینمه‌‌سلیگی خصوصیده خواطر بیلدیریب، ایش و اجتماعی ایشلر وزیرلیگی‌دن اولر گه دایمی ایش زمینه‌سی یره‌تیلیشی نی ایسته‌گن. «بو ییردن فارغ بولگن اوشبو مسلمان گه قیته ایش بیلن شغللنیشی و مخدره ماده گه یوز کیلتیرمه‌سلیگی اوچون بیر برنامه یولگه قوییشلری کیره‌ک.»
آمار اساسیده، حاضر ایسه مملکت بویلب اسلام امیر‌لیگی تامانیدن ۵۲ کسب-کار اورگتیش ایشخانه و شونینگدیک خلق‌ارا نهاد‌لر تامانیدن باشقه ۱۳۰ ایشخانه حمایت بوله‌دی.
