مریم غور ده ۷ کیشی‌لیک بیر عایله نینگ کیلینی نی مستعار آتی دیر که تورموش اورتاغی شامل مذکور عایله نینگ ۵ اعضاسی مخدره ماده گه چلینگن. اونینگ ایتیشیچه، کمیده ۹ ییل دن بویان تورموش اورتاغی، قیین‌آنه‌سی، اِیری نینگ سینگلیسی و ایکی ایناغه‌سی مخدره ماده گه چلینگن.
مذکور خانم اوز و اِیری نینگ عایله‌سینی حیات خره‌جتی نی تأمین‌لش اوچون غور مرکزی فیروزکوه شهری نینگ بیر چیککه‌سیده، کیچکینه بیر دکان ده خیاط‌لیک دستگاهی ایجاد قیلیب و عیاللرگه کییم تیکه‌دی.
مریم نینگ تورموش قورگنیدن ۱۱ ییل اوتماقده. او، قوشمه حیاتی نینگ خاطره‌لرینی ایسلب ایتیشیچه، ینگی تورموش قورگنده حیاتی یخشی ایکن و شونینگدیک تورموش اورتاغی عایله‌سی هم اجتماعی ایکن.
بیزلرنینگ فیسبوک صحیفه‌میزگه هم باش اورینگ!
مریم و اونینگ ۱۰ یاشر باله‌سی مخدره ماده گه چلینمه‌گن. اونینگ ایتیشیچه، حیات نینگ قیینچیلیک‌لری باعث برچه آرزولرینی اونوتگن.
او ایشی نینگ درآمدی دن راضی دیر. «باله‌لیکدن خیاط‌لیککه بلد ایدیم و بونی کوپ سیوردیم و شونینگدیک اویده خیاط‌لیک قیلردیم. شو نتیجه گه ییتیشدیم که بازار باریب خیاط‌لیک قیلسم و شو ایشیم دن راضی من.»
مریم نینگ ایتیشیچه، اِیری و اونینگ عایله اعضاسینی دارولش اوچون کوپ سعی و حرکت قیلگن، بیراق هیچ نتیجه بیرمه‌گن. بو توغریده مریم نینگ تورموش اورتاغی و اونینگ عایله‌سینی فکرینی آلیش ایسته‌دیک؛ بیراق اولر بو حقده صحبت بیریش اوچون حاضر بولمه‌دی.
بیزلرنینگ توییترده هم تعقیب قیلینگ!
عین حالده، ۲۰ یاتاقلی غور کسلخانه مسئوللری بو ولایتده کونسایین مخدره ماده گه چلینگنلر سانی کوپه‌یشی دن خواطر بیلدیریشگن. غور ده معتادلرنینگ ۲۰ یاتاقلی کسلخانه باشلیغی محمدعمر لعل‌زاد، ایش‌سیزلیک و قشاقلیک نینگ معتادلیک نی اصلی دلیلی دیگن.
جناب لعل‌زاد نینگ ایتیشیچه، غور ده مخدره ماده‌لرنی داروله‌یدیگن یالغیز ۲۰ یاتاقلی بیر کسلخانه بار که بو معتادلرنینگ دارولش گه ییترلی ایمس.
