تخار خوفسیزلیک مسئوللری، اوشبو ولایت ده شفاکار بیر عیال نامعلوم قوراللی کیشی‌لر تامانیدن اولدیریلگنیدن خبر بیره‌دیلر.
تخار امنیه قوماندان‌لیگی سوزلاوچیسی عبدالمبین صافی نینگ ایتیشیچه، تخار ولایتی کسلخانه‌سیده نسائی ولادی شفاکاری «ذاکره رحمانی» پنج‌شنبه کونی، ۲۴ حمل، شام چاغی، قندوز دن تخار تامان باریش پیتیده، تخار ولایتی چینزه‌یی منطقه‌سیده نامعلوم قوراللی کیشی‌لر تامانیدن آتیب اولدیریلگن.
بیزلرنینگ فیسبوک صحیفه‌میزگه باش اورینگ!
جناب صافی نینگ کوپه‌یتیریشیچه، امنیتی کوچلر واقعه محلی گه ییتیب باریب و او نینگ جسدینی تیکشیریش اوچون عدلی طب گه انتقال بیرگنلر.
تخار امنیه قوماندان‌لیگی سوزلاوچیسی گه کوره، امنیتی کوچلر واقعه عاملینی قولگه آلیش مقصدیده اوز تحقیقات‌لرینی باشلشگن.
۳۲ یاشلی ذاکره رحمانی بلخ ولایتی طب معالوجی فاکولته‌سینی بیتتیرگن، بیر ییل تخار ولایتی چال تومنی مرکزی کلینیکی و کیین ایسه مذکور ولایت نینگ ولایتی کسلخانه‌سی نسائی ولادی بولیمیده، شفاکار صفتیده ایش بجریب کیلماقده ایدی و اوندن بیر قیز قالگن.
بیزلرنینگ توییترده هم تعقیب قیلینگ!
ایتیش کیره‌ک که، یک‌شنبه کیچه، ۲۰ حمل، بدخشان ولایتی ارگو تومنی شتک قیشلاغیده بیر شفاکار، نامعلوم قوراللی کیشی‌لر تامانیدن آتیب اولدیریلگن.
