بدخشان ده‌گی محلی منبع‌لر نینگ سلام‌وطندار گه ایتیشلریچه، یک‌شنبه کیچه، ۲۰ حمل، کیچ قورون اوشبو ولایت نینگ ارگو تومنیده «شتک» کسلخانه آمری، نامعلوم قوراللی بیر کیشی تامانیدن «کلاشینکوف» رسوملی قورال بیلن اوققه توتیلیب اولدیریلگن.
منبع‌لر گه کوره، مذکور شفاکار خاتینی و بیر باله‌سی بیلن اوشبو کسلخانه ایچیده تیریکچیلیک قیلر ایدیلر، بیر کیشی عاجل کسلی بارلیگی بهانه‌سیده اونی اویقوسیدن اویغاتیب و پیشانه‌سیگه اوق آتیب اولدیرگن.
بیزلرنینگ فیسبوک صحیفه‌میزگه باش اورینگ!
عین‌حالده، بدخشان ساغلیق‌نی سقلش ریاست مسئوللری هم اوشبو واقعه نی تصدیقلب ایتیشلریچه، ارگو تومنی «شتک» کسلخانه آمری یک‌شنبه کیچه نوکریوال ایدی و نامعلوم قوراللی بیر کیشی تامانیدن اوققه توتیلیب اولدیریلگن.
بدخشان ساغلیق‌نی سقلش ریاست باشلیغی عتیق‌الله فیضی گه کوره، مذکور شفاکار نینگ خاتینی اوشبو کسلخانه نینگ مالی مسئولی دیر و اولر شتک کسلخانه‌سیده تیریکچیلیک قیلر ایدیلر.
بدخشان ساغلیق‌نی سقلش باشلیغی نینگ کوپه‌یتیریشیچه، اسلام امیرلیگی کوچلری واقعه عاملینی قولگه آلیش مقصدیده سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
باشقه تاماندن، بدخشان معلومات و مدنیت باشلیغی معزالدین احمدی، مذکور شفاکار اولدیریلیشینی تصدیقلسه ده؛ لیکن واقعه قنده‌ی‌لیگی حقیده ایضاح کیریتمه‌گن.
بدخشان ده‌گی منبع‌لر نینگ معلوماتی اساسیده، احمدتمیم بلخ ولایتی اصلی یشاوچیسی بولیب و نیچه آی دن بویان ارگو تومنی نینگ کسلخانه آمری صفتیده ییتیب تعینلنگن ایدی.
