غور بیلیم یورتی مسئول‌لری و طلبه‌لری نینگ سلام‌وطندار گه ایتیشلریچه، اولر درس صنف‌لری و مسلکی استادلر آزلیگیگه علاوه، ییچیم‌لیک سو، یول اوزاق‌لیگی و بوزیق‌لیگی قیینچیلیکلری بیلن روپه‌رو لر.
اولر گه کوره، صنف آزلیگی باعث، یاتاقخانه‌دن درس صنف‌لری اوله‌راق قوللنیله‌دی، قیز و اوغیل اوقووچیلری نینگ صنف‌لری اجره‌تیلیشیدن کیین، اولر نینگ قیینچیلیکلری نیچه برابر کوپه‌یگن.
بیزلرنینگ فیسبوک صحیفه‌میزگه باش اورینگ!
غور بیلیم یورتی رئیسی محمدنسیم وفا نینگ ایتیشیچه، اولر موجود برچه قیینچیلیکلرنی محلی و مرکزی مسئوللر بیلن پایله‌شیب و حلی اوچون تلاش قیلماقده‌لر.
محمدنسیم وفا نینگ ایتیشیچه: «یاتاقخانه بناسی‌ده ایکی وقت یعنی ایرته‌لب قیزلر و توش‌دن کیین اوغیل طلبه‌لر سیغمه‌یدی، بیز مسلکی استاد آزلیگی بیلن روپه‌رو میز.»
شونینگدیک غور بیلیم یورتی طلبه‌لری، اورگه‌تیش امکانیت‌‌لری آزلیگیدن شکایت قیلیب، بو ایش اورگه‌تیش صفتی پس توشیشی گه سبب بولگنینی ایته‌‌دیلر. غور بیلیم یورتی طلبه‌لریدن امیرداد پارسا نینگ ایتیشیچه: «آی‌لردن کیین بیلیم یورت ایشیک‌لری طلبه‌لر یوزی گه آچیلدی، غور بیلیم یورتیده جای و امکانیت همده مسلکی استاد آزلیگی بیلن روپه‌رو میز.»
عین‌حالده، غور حاکمی نینگ سوزلاوچیسی عبدالواحد حماس گه کوره، اوشبو ولایت مقامی نینگ غور بیلیم یورتی مسئول‌لری گه بیرگن وعده‌سی گه اساس، مذکور بیلیم یورتده‌گی قیینچیلیکلر حلی اوچون سعی-حرکت قیلینماقده.
بیزلرنینگ توییترده هم تعقیب قیلینگ!
غور بیلیم یورتی طلبه‌لری و متصدی‌لری، اوشبو بیلیم یورت بنا‌سی تعمیرلنمسلیگی باعث، یاتاقخانه‌ده درس اوقیدیلر.
غور بیلیم یورتی مسئول‌لری نینگ ایتیشلریچه، مذکور بیلیم یورت نینگ بنا ایشی ۷۰ فایز یکونلنگن و تعمیرلنیش ایشی بیتیشی بیلن، اولر نینگ کتته قیینچیلیکلریدن بیر بولیمی حل بوله‌دی.
