امام ابوحنیفه (رح) کورگزمه‌سی بوگون (۱۵ میزان/۷ اکتوبر، چهارشنبه) کابل شهری‌ده ۳۲۰ دن آرتیق ایچکی و خارجی کمپنیه‌لر همده ۵۵۰ دن آرتیق خارجی مهمانلر اشتراکیده آچیلدی.
اوشبو کورگزمه تشکیلاتچیلری‌نینگ ایتیشیچه، کورگزمه‌ده محصولات‌لرنی نمایش ایتیش همده افغانستان‌نینگ سودا و اقتصادی ظرفیتینی تنیشتیریش اوچون ۷۰۰ دن آرتیق غرفه قوییلگن.
کورگزمه‌نینگ آچیلیش مراسمیده بیرقطار اقتصادشناس و خصوصی بولیم سکتوری وکیللری، افغانستان‌ده‌گی سودا، سرمایه کیریتیش، ایچکی ایشلب چیقریش همده صادر قیلیشنی آشیریش مسئله‌لری حقیده سوز یوریتگنلر.
محلی کمپنیه‌لر اوز محصولات‌لرینی اوشبو کورگزمه‌ده نمایش ایته‌یاتگن بیر پیتده، تورلی مملکتلردن ۱۱۳ ته کمپنیه هم کورگزمه‌ده اشتراک ایتگن.
امام ابوحنیفه کورگزمه‌سی محصولات‌لرنی تنیشتیریش، سودا امکانیت‌لرینی یره‌تیش همده ایچکی و خارجی تدبیرکارلر و سرمایه کیریتووچیلر اورته‌سیده‌گی علاقه‌لرنی کینگه‌یتیریش مقصدیده تشکیل ایتیلگن.
