بوگون (پنجشنبه، ۴-جوزا)، لوگر معلومات و مدنیت ریاست رئیسی آرقه‌لی اوشبو ولایت پل‌علم شهریده، بیر کون‌لیک کتاب و قدیمی اثرلر کورگزمه‌سی یولگه قوییلگن.
اوشبو ریاست مسئوللری نینگ ایتیش‌لریچه، مذکور کورگزمه‌ده مینگ‌لرچه دینی، فرهنگی، ادبی، اقتصادی کتاب بیلن اون‌لرچه قدیمی اثر نمایش گه قوییلگن.
لوگر معلومات و مدنیت ریاستی رئیسی رفیع‌الله صمیم، اوشبو کورگزمه نینگ یولگه قوییلگنی‌دن مقصد، کتاب مطالعه‌سی خصوصیده ییگیتلر نینگ تشویق قیلیش و قدیمی اثرلر نینگ کوپراق تانیلیشی عنوان قیلگن.
جناب صمیم نینگ کوپه‌یتیریشیچه: «اوشبو کورگزمه نینگ یولگه قوییلگنی‌دن مقصد، ییگیتلر نینگ مطالعه گه قیزیقیشی و قدیمی اثرلر بیلن آشنا بولیش‌لری دیر که، بو رقم قیین وضعیت‌دن چیقیب و یخشی کیله‌جککه صاحب بولسین‌لر.»
بیزلرنینگ فیسبوک صحیفه‌میزگه باش اورینگ!
عین حالده، اوشبو کورگزمه گه شرکت قیلووچیلردن قطاری، مطالعه خصوصیده ییگیتلر نینگ تشویق قیلینیشی و قدیمی اثرلر نینگ کوپراق کوریلیشی و تانیلیشی نی فایده‌لی و اونملی دیگنلر.
لوگر یشاوچیسی و مذکور کورگزمه گه شرکت قیلووچیلردن بیری شیرخان ترین نینگ ایتیشیچه: «مین دوست‌لریم بیلن بو کورگزمه گه کیلدیک. قیزیقگنیم کتاب نی تاپگنیم پیتده، آله‌من. لوگر ده مطالعه گه قیزیققن کیشی‌لر سانی کوپ و بو کورگزمه گه هم کوپینچه ییگیت شرکت قیلگن دیر.
بیزلرنینگ توییترده هم تعقیب قیلینگ!
شونینگدیک اوشبو کورگزمه گه شرکت قیلووچیلردن باشقه بیری شمس‌الرحمان نینگ ایتیشیچه: «کورگزمه گه کیلدیک و کتاب‌لر نی کوریب و نیچه کتاب آلدیم. اوقووچی‌مین و مطالعه نی کوپ یخشی کوره‌من و ییگیتلر نینگ مطالعه قیلیشی کیره‌ک.»
ایتیش کیره‌ک که، قریب ایکی ییل جریانیده مملکت نینگ قطار ولایت‌لریده کتاب مطالعه‌سی خصوصیده ییگیتلر نینگ قیزیقیشی کمه‌یگنی بیرحالده، مذکور کتاب و قدیمی اثرلر کورگزمه‌سی لوگر ولایتیده یولگه قوییلگن.
