یانگ ایگلند: اوشبو نهاد نینگ عیال ایشلاوچیلری تیزلیک بیلن ایش گه قیتیش گه امیدوار من

ناروی مهاجرلر کینگشی (ان‌آرسی) باش کاتبی یانگ ایگلند نینگ سلام‌وطندار گه ایتیشیچه، ینگی‌لیکده اسلام امیرلیگی رسمی‌لری بیلن اوچره‌شگندن کیین، اوشبو نهاد نینگ عیال ایشلاوچیلری تیزلیک بیلن ایش گه قیتیش گه امیدوار دیر. جناب ایگلند، افغانستان گه ایکینچی دور سفری دایره‌سیده قندهار و کابل ده اسلام امیرلیگی رسمی‌لری بیلن اوچره‌شگن.

تشقی ایشلر وزیرلیگی: پاکستان قماقخانه‌لریدن ۶۶ مهاجر قوییب یوباریلدی

مملکت تشقی ایشلر وزیرلیگی، پاکستان قماقخانه‌لریدن افغانستان‌لیک ۶۶ مهاجر قوییب یوباریلگنیدن خبر بیرگن. مملکت تشقی ایشلر وزیرلیگی سوزلاوچیسی نینگ اورین باسری ضیااحمد تکل اوز توییتری ده، چهارشنبه کونی، ۳ جوزا، پاکستان نینگ سند ایالتی قماقخانه‌لریدن افغانستان‌لیک ۶۶ مهاجر قوییب یوباریلگنینی یازگن.

غور ده علیحده ایکی واقعه ده ایکی کیشی هلاک بولدی

غور امنیتی رسمی‌لری، اوشبو ولایت ده علیحده ایکی واقعه ده ایکی کیشی هلاک بولگنیدن خبر بیره‌دیلر. غور امنیه قوماندان‌لیگی مطبوعاتی دفتری بیر بیانیه ترقه‌تیب ایتیشیچه، مذکور ولایت نینگ تیوره تومنیده دکانی بولگن بیر کیشی، چهارشنبه کونی، ۳ جوزا، اویی تامان باریش پیتیده نامعلوم قوراللی کیشی‌لر تامانیدن آتیب اولدیریلگن.