ناروی مهاجرلر کینگشی (انآرسی) باش کاتبی یانگ ایگلند نینگ سلاموطندار گه ایتیشیچه، ینگیلیکده اسلام امیرلیگی رسمیلری بیلن اوچرهشگندن کیین، اوشبو نهاد نینگ عیال ایشلاوچیلری تیزلیک بیلن ایش گه قیتیش گه امیدوار دیر. جناب ایگلند، افغانستان گه ایکینچی دور سفری دایرهسیده قندهار و کابل ده اسلام امیرلیگی رسمیلری بیلن اوچرهشگن.
ناروی مهاجرلر کینگشی باش کاتبی گه کوره، مذکور تشکیلات نینگ عیال ایشلاوچیلری یوقلیگی باعث، اولر نینگ مهم فعالیتلری ایریم قیینچیلیکلر بیلن روپهره بولگن.
بیزلرنینگ فیسبوک صحیفهمیزگه باش اورینگ!
او نینگ کوپهیتیریشیچه: «کابل و قندهار ده اسلام امیرلیگی رسمیلری بیلن اوچرهشگندن کیین، قطار ولایتلر و منطقهلرده عیال همکارلریمیز تیزلیک بیلن ایشلری گه قیتیب و خاتین قیزلر، بالهلر و باشقه محتاج کیشیلر گه یاردم بیریش گه امیدوار من. اولر [اسلام امیرلیگی رسمیلری] اسلام قدریتلری و افغانلر رسم_عنعناتینی ایاغ آستی قیلمهگینیمیزنی توشینگنلر. عیاللر نینگ ایش گه باریش رخصتی بیریلمسلیگی مهم فعالیتلر اوستیده سلبی تأثیر قیلهدی.»
بوندن آلدین، اسلام امیرلیگی، نادولتی نهادلر نینگ عیال ایشلاوچیلری ایش گه قیتیشی اوچون بیر اسلوب اوستیده ایشلهیاتگنی گه دایر، ناروی مهاجرلر کینگشی باش کاتبی دن نقل قیلینیب گزارشلر ترقهلگن ایدی.
بیراق اسلام امیرلیگی اقتصاد وزیرلیگی مسئوللری مذکور ایش اسلوبی حقیده سلاموطندار گه ایضاح کیریتمهی و بوندهی ریجه دن خبرسیزلیکلرینی ایتهدیلر.
عینحالده، افغانستان ده عیال حقوقی فعاللریدن قطاری، اسلام امیرلیگی تیزلیک بیلن خاتین قیزلر نینگ تعلیمی و ایش گه باریش قرارینی بیکار قیلیشی گه ایشانمهیدیلر.
عیال حقوقی فعالی ثریا پیکان نینگ سلاموطندار گه ایتیشیچه: «بو سرپرست حکومت نینگ مسئولیتی دیر، حکومت یشاوچیلر بیلن مناسبتینی مستحکملشی لازم، عیاللر افغانستان جمعیتی نینگ یریمینی تشکیل بیرهدی، ایشلش و تحصیل قیلیش گه حقلری بار.»
بیزلرنینگ توییترده هم تعقیب قیلینگ!
شونینگدیک، عیال حقوقی فعاللریدن باشقه بیری حسنا روفی گه کوره: «اول قیزلر نینگ مکتبلری یاپیلیش گواهی ایدیک، کیین ایسه بیلیم یورتلر ایشیگی یاپیلدی و نهایت میدیالرده عیاللر گه چیکلاو یرهتیلگن و شونینگدیک، اولر مؤسسهلر ده ایش گه باریش دن محروم بولدیلر، بولر چیکلاولر افغانستان حکومتی عیاللر حقوقی گه حرمت قیلمسلیک دن درک بیرهدی.»
ایتیش کیرهک که، افغانستان ده اسلام امیرلیگی حاکمیتیدن کیین، خاتین قیزلر گه قرشی ایریم چیکلاولر یرهتیلگن؛ بیراق اوشبو چیکلاولر بیکار قیلینیشی گه دایر دنیا همجمعیت نینگ خواستلری گه قرشی، سرپرست حکومت اوشبو چیکلاولرنی کوچهیتیرگن.