ینگی ییل ییتیب کیلیشی عرفه‌سیده، کابل شهریده آلتینچی صنف‌دن یوقاری قیز اوقووچیلر نینگ ایتیشلریچه، حاضرگچه مکتب یونیفورمینی کییش اوچون ناامید بولیشمه‌گن.
کابل شهریده دولتی مکتب‌لردن بیریده‌گی ۱۱_ صنف اوقووچیسی بولمیش نجمه، حاضرگچه درسی صنف گه باریش نی کوتیب تورگن. اونینگ ایتیشیچه، اوتگن بیر یریم ییل‌ده قاره کییم کییش و آق قرص سالیش اونینگ بیر آرمانی گه اوزگرگن.
کمپیوتر ساینس فاکولته‌سی گه یول تاپیش آرزوسی بولگن نجمه، اسلام امیرلیگیدن قیز اوقووچیلر اوز آرمان و مقصدلری گه ایریشیش اوچون اولر گه مکتب باریش رخصتی بیریلیشینی طلب قیله‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «کیله‌جگی‌میزدن خواطرده‌میز، آلتینچی صنف‌دن یوقاری قیزلر گه اوغیل‌لر کبی مکتب گه باریش رخصتی بیریلیشینی ایسته‌یمیز. مکتب‌لر آچیلمه‌گن حالده، آرزو‌لریمیز اورته‌دن کیته‌دی. دنیا جماعه‌چیلیگی هم مکتب‌لر نینگ آچیلیشی اوچون بیران ایش قیلیشی کیرهک.»
اون ایکینچی صنف اوقووچیسی سمیرا، قیزلر یوزی گه مکتب‌لر ایشیگی یاپیق قالگنیدن خواطر بیلدیریب ایتیشیچه، تعلیم‌دن اوزاق بولگنی سبب، برچه برنامه‌لری بوزیلیب و کیله‌جگی خوف بیلن روپه‌ره بولگن.
خواطرلری اوچون نقاش‌لیککه یوز کیلتیرگن سمیرا نینگ کوپه‌یتیریشیچه: «بیرینچیدن نقاش‌لیک نی ضعیف بیر انگیزه بیلن باشله‌دیم، چونکه مکتب‌دن اوزاق قالیش روحیه‌م گه تأثیر قیلگن ایدی، بیراق کیین ایسه عایله‌م و اوقیتووچیلریم نینگ تشویقی بیلن انگیزه آلدیم. ینه هم بو ایش مناسب بیر جای‌گزین ایمس. درس‌لریم‌نی بیتگزیب و ایسته‌گیم بولیم ده کامیاب بولیشنی ایستر ایدیم، بیراق مکتب‌لر نینگ یاپیق قالگنی کوپ قیین‌چیلیک‌لر یره‌تگن.»
شونینگدیک، تعلیمی دوره‌سی بیتیشی گه یالغیر بیر ییلی قالگن مژده نینگ ایتیشیچه، هر کونی مکتب‌لر ایشیگی آچیلیشی باره‌سیده خواطرلر کوچه‌یماقده دیر.
مذکور اوقووچی قیز، اوقووچیلر یوزی گه مکتب‌لر ایشیگی آچیلمه‌گنی‌دن تنقید قیلیب کوپه‌یتیریشیچه: «اون‌بیر ییل سعی و حرکتیم اوچون کوپ خواطر‌ده‌من، درس‌دن اوزاق قالیش افسرده قیلگن مینی. اسلام امیرلیگی کیله‌سی ییل قیزلر گه مکتب باریش اوچون رخصت بیریشی خصوصیده امید‌وار‌میز. عیال‌لر جمعیت نینگ یریمینی تشکیل بیره‌دی.»
بیزلرنینگ توییترده هم تعقیب قیلینگ!
شونده‌ی بیرحالده، عیال حقوقی فعال‌لریدن قطاری قیزلر تعلیمی توخته‌تیلگنیدن خواطر بیلدیریب ایتیشلریچه، قیزلر نینگ تعلیم‌دن محروم بولیشی، انسان حقوقی ارزش‌لری و بویروغ‌لری گه قرشی دیر.
عیال حقوقی فعالی حسنا روفی نینگ سلام‌وطندار گه ایتیشیچه: «خلق‌ارا هیچ بیر قانون‌ده عیال‌لر نینگ تعلیم دن محروم قیلینیشی یازیلمه‌گن. دنیا جماعه‌چیلیگی نینگ قانون‌لریده عیال‌لر نینگ تعلیمی اوستیگه تأکید ایتیلگن. شونینگدیک، اسلام‌ده هم عیال‌لر تعلیمی حقیده آچیقلمه بیریلگن. عیال‌لر نینگ تعلیم دن محروم قیلیش هیچ بیر قانون ده یوق.»
قیزلر نینگ تعلیم‌دن محروم بولگنیدن ۵۴۴ کون اوتماقده، بیراق قیز اوقووچیلر حاضرگچه مکتب‌لر آچیلیشی نی کوتیب تورگنلر.
اوتگن بیر یریم ییل‌ده خلق‌ارا تشکیلات‌لر و مملکت‌لر، نیچه مراتبه اسلام امیرلیگیدن قیزلر نینگ تعلیمی توخته‌تیلیش قراری بیکار قیلینیشینی ایسته‌گنلر، بیراق اسلام امیرلیگی رسمی‌لری گه کوره، اولر قیزلر تعلیمی گه قرشی ایمس و قیزلر مکتبی نینگ یاپیق قالگنی وقتینچه‌لیک دیر.
