پروان ولایتی‌ده ۱۰-صنف اوقووچیسی مرجان میرزایی، قیغو بیلن سلام‌وطندار گه ایتیشیچه، بیر ییل‌دن بیری مکتب گه باریشدن محروم بولگن دیر.
مرجان مکتب گه باریشدن محروم بولگنی اوچون مدرسه گه باریش نی باشلگن دیر. اونینگ ایتیشیچه، مدرسه کیتیش اونینگ اوچون بیر افتخار دیر؛ لیکن آرزولری گه ییتیشیشی اوچون کمک قیله آلمه‌یدی.
اونینگ کوپه‌یتیریشیچه: «مکتب نینگ یاپیق قالگنیدن بیری کوپ ناامید‌میز. مدرسه گه کیلدیک و بو مدرسه گه فیس بیره‌میز لیکن مکتبی‌میز رایگان ایدی. بو ییر گه کیلیب درس اوقیش اوچون مجبور‌مین. قرآن اوقیش یانیده داکتر بولیش نی ایسته‌یدیم.»
بیزلرنینگ فیسبوک صحیفه‌میزگه باش اورینگ!
مکتب اوقووچیلر گه ییتیشگن روحی-روانی کسل‌لیکلر، عایله‌لر نی حل بیر یول تاپیش اوچون مجبور قیلگن. پروان مرکزی یشاوچیسی احمد اوچ قیز اوقووچی نینگ آته‌سی دیر. اونینگ ایتیشیچه، اسلامی امارت بیر ییل‌دن بیری قیزلری نینگ مکتب گه باریش‌لریدن منع قیلگن دیر.
احمد نینگ قیزلری بیر ییل آلدین ۸- و ۹- صنف اوقووچیلری ایکنلر. احمد نینگ ایتیشیچه، قیزلر نینگ روحی-روانی قیین‌چیلیک‌لری نی حل قیلیش اوچون حاضر اولر نی مدرسه گه یوباریش گه قرار آلگن. او اسلامی امارت‌دن تیزلیککه ۶-صنف‌دن یوقاری قیزلر مکتب‌لری نینگ آچیلیشی نی ایسته‌گن.
شونده‌ی بیرحالده، پروان‌ده عیال‌لر گه خاص مدرسه‌لر مسئوللری اوقووچیلر سانی نینگ کوپه‌یگنی نی بیلدیرگنلر. مروه (مستعار اسم) پروان مرکزی چاریکار شهری‌ده دینی مدرسه‌لردن بیری نینگ مسئولی دیر.
مروه نینگ سلام‌وطندار گه ایتیشیچه، سونگی بیر ییل‌ده، مدرسه‌سی نینگ اوقووچیلری سانی ۵ برابر بولگن دیر. بانو مروه گه کوره، اوتمیش ییل‌ده ۱۰۰ اوقووچی مدرسه‌سیده درس اوقه‌ر ایکن؛ لیکن حاضر ایسه اوشبو رقم ۵۰۰ گه کوپه‌یگن دیر.
شونده‌ی بیرحالده، پروان معارف ریاست مسئوللری نینگ ایتیش‌لریچه، اوشبو ولایت‌ده ۶-صنف‌دن یوقاری قیزلر مکتب‌لری نینگ آچیلیشی اوچون، مرکزی رسمی‌لری نینگ بویروغی نی کوتیب تورگنلر.
پروان معارف رئیسی محمد‌حسن حقانی، امید‌وارلیک بیلن ۶-صنف‌دن یوقای قیزلر مکتب‌لری نینگ آچیلیشی ممکن دیگن.
بیزلرنینگ توییترده هم تعقیب قیلینگ!
جناب حقانی گرچند پروان معارف ریاستی نینگ پوششی آستیده بولگن دینی مدرسه‌لریده‌گی قیز اوقووچیلری خصوصیده بیللی بیر آمار ارایه قیلمه‌گن، بیراق ایتیشیچه، اوشبو ولایت‌ده ۶۱ دینی تعلیمی نهاد بار که اولر دارالحفاظ‌لر، دارالمعلوم‌لر و دینی مدرسه‌لر گه شامل دیر.
قیزلر مکتب‌لری نینگ یاپیق قالگنیدن بیر ییل اوتگن که اوشبو قرار کوپینچه ملی و خلق‌ارا عکس‌العمل‌لر گه روپه‌ره بولگن. اسلامی امارت سرپرست حکومتی حاضرگچه دنیا جماعه نینگ ایسته‌گی قبول قیلیش اوچون باسیم آستیده دیر. نیچه مدت آلدیم بیرلشگن ملت‌لر تشکیلاتی تنقید‌لریده ایتگن که، اسلامی امارت ییر‌ده یالغیز قیزلر نی تعلیم‌دن منع قیلگن بیر رژیم دیر.
