آلتینچی صنف‌دن یوقاری قیزلر نینگ مکتب‌لری یاپیق قالیشی گه دایر عکس‌العمل‌لر دوام ایتر ایکن، کابل ده مطبوعاتی ییغین اوتکزگن «کابل انتقادی مکتب» نهادی قیزلر نینگ مکتب‌لری یاپیق قالیشیدن تنقید قیلیب ایتیشیچه، تعلیم قیزلر نینگ شرعی و اسلامی حقی دیر و اسلامی امارت بوتوغریده دقت قیلیشی کیره‌ک.
مذکورنهاد اعضالریدن بیری رمزیه سعیدی گه کوره، افغانستان خاتین قیزلری ایریم دوره‌لرده اساسی حقوق‌لریدن محروم بولگنلر. اونینگ کوپه‌یتیریشیچه، آلتینچی صنف دن یوقاری قیزلر نینگ مکتب‌لری یاپیق قالیشی و جامعه دن عیاللر حذف ایتیلیشی، عیاللر حقوقی بیلن سیاسی معامله بولیشیدن درک بیره‌دی.
بیزلرنینگ فیسبوک صحیفه‌میزگه باش اورینگ!
بانو سعیدی، قیزلر نینگ تعلیمی دن سیاسی و سوداگرلیک معامله‌لرده قوللنمسلیگی کیره‌ک دیدی.
«کابل انتقادی مکتب» نهادی نینگ باشقه عضوی آی‌نور، قیزلر نینگ مکتب‌لری یاپیق قالیش عاقبت‌لریدن آگاه‌لنتیریب ایتیشیچه، بو وضعیت دوامی قیز اوقووچیلرینی نامعلوم احوال ده قالدیریب و جامعه ترقیاتی گه توسیق بوله‌دی.
او اسلامی امارت دن، قیزلر نینگ مکتب بارمسلیک چیکلاوی گه عاید قانیقرلی دلیل سوره‌یدی، عکس‌حالده قیزلر نینگ مکتب‌لری آچیلیشی کیره‌ک دیدی.
بیزلرنینگ توییترده هم تعقیب قیلینگ!
بوتوغریده اسلامی امارت معارف وزیرلیگی نینگ فکر_ملاحظه‌سینی اورگه‌نیشنی ایسته‌دیک؛ بیراق مذکور وزیرلیک سوزلاوچیسی عزیزاحمد ریان، قیزلر نینگ مکتب‌لری آچیلیشی خصوصیده ینگی معلومات بیرمه‌دی.
افغانستان ده اسلامی امارت حاکم بولیشی بیلن، اولکه بویلب برچه قیزلر یوزی گه مکتب‌لر یاپیلدی. بیراق نیچه آی دن کیین آلتینچی صنف دن قویی قیزلر نینگ مکتب‌لری آچیلسه‌ده؛ لیکن آلتینچی صنف دن یوقاری قیزلر نینگ مکتب‌لری همان آچیلمه‌گن.
