بوگون پنجشنبه کابل‌ده مطبوعاتی ییغینده اشتراک ایتگن دین عالم‌لریدن قطاری، قیزلر نینگ اورته و لیسه مکتب‌لری یاپیق قالیشی خصوصیده ایتیشلریچه، بو ایش اسلام پیکری گه اینگ بویوک زیان دیر.
اولر نینگ ایتیشلریچه، قیزلر نینگ مکتب‌لری یاپیق قالیشی گه عاید اسلامی امارت نینگ قراری، شرعی نقطه‌ی نظردن توغری ایمس. دین عالم‌لری اسلامی امارت‌دن، بوندن آرتیق قیزلرگه توسیق بولمسلیکلرینی طلب قیله‌دیلر.
بیزلرنینگ فیسبوک صحیفه‌میزگه باش اورینگ!
بیلیم یورت استادی و دین عالم‌لریدن بیری سمیه شفیق نینگ ایتیشیچه، ۶-صنف‌دن یوقاری قیز اوقووچیلر یوزی‌گه مکتب‌لر یاپیلیشی، اسلام پیکری گه اینگ بویوک ضرر نی ییتیشتیره‌دی. اونگه کوره، مکتب‌لر یاپیق قالگن صورت‌ده، غرب مملکت‌لری اسلام دینی قیزلر نینگ تعلیم‌‌دن محروم قیلگن دیب ایشانه‌دیلر.
شونده‌ی بیرحالده، اوشبو ییغینده اشتراک ایتگن دین عالم‌لریدن باشقه بیری منیراحمد بلیغ نینگ ایتیشیچه، اولر هیچ بیر گروه یا حکومت گه، حق‌لری بولمه‌گن نرسه‌نی اوستی‌لری گه تحمیل قیلیش گه رخصت بیرمه‌یدیلر. اونینگ کوپه‌یتیریشیچه، حکومت‌لر یکه‌تازلیک، اوز باشیمچه‌لیک و ظلم بیلن حکومت قیلماقچین بولسه، قطعاً دوام قیلمه‌یدی.
بیزلرنینگ توییترده هم تعقیب قیلینگ!
دین عالم‌لری، اسلامی امارت‌دن بوندن آرتیق قیزلر نینگ تعلیمی گه توسیق بولمسلیکلرینی سوره‌یدیلر؛ چونکه بو ایش شرعی نقطه‌ی نظردن توغری ایمس.
ایتیش کیره‌ک که، ۶-صنف‌دن یوقاری قیزلر نینگ مکتب‌لری یاپیق قالگنیدن ۲۰۰ کون‌دن کوپ اوتسه‌ده؛ بیراق اسلامی امارت حاضرگچه مکتب‌لر نینگ آچیلیشی اوچون هیچ قنده‌ی عملی اقدام قیلمه‌گن.
