امر معروف و نهی منکر وزیرلیگی نینگ محتسب‌لری تامانیدن کابل شهری نینگ تورلی منطقه‌لری جمله دن دشت‌برچی ده خاتین قیزلر دن بیرقطاری قولگه آلینیشی گه دایر گزارش‌لر ترقه‌لیشیدن کیین، کابل غربی ده دین عالم‌لریدن بیرقطاری عالم‌لر، گذر وکیللری و آق‌سقاللر حضوری بیلن ییغیلیش اوتکزگن.
کابل شهری اون اوچینچی ناحیه گذر وکیللری شورا سوزلاوچیسی سخی‌داد بشردوست نینگ ایتیشیچه، امر معروف و نهی منکر وزیرلیگی نینگ محتسب‌لری تامانیدن خاتین قیزلر قولگه آلینیشی یشاوچیلر نینگ خواطری گه سبب بولگن. «اسلام امیرلیگی و امر معروف و نهی منکر وزیرلیگی دن کابل غربی ده برنامه‌لری بولسه گذر وکیللری نی شریک قیلیش‌لرینی ایسته‌یمیز. قولگه آلینیش‌لر یشاوچیلر نینگ خواطری گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
کابل غربی ده دعوت و ارشاد باشلیغی علی‌داد علی‌زاده نینگ ایتیشیچه، امر معروف و نهی منکر وزیرلیگی امر معروف و نهی منکر عملگه آشیریلیشی نی عایله‌لر گه تاپشیریشی کیره‌ک. «موضوع نی عایله‌لر بیلن شریک قیلسه‌لر، آنه‌لر و آته‌لر قیزلری گه توشینتیرسین‌لر.»
حج و اوقاب وزیرلیگی نینگ مسجدلر و تکیه‌خانه‌لر بولیم باشلیغی آیت‌الله مصباح گه کوره، خاتین قیزلر قولگه آلینیشی یخشی ایمس و بو ایش اونگی آلینیشی کیره‌ک.
او نینگ کوپه‌یتیریشیچه: «عیاللر نینگ یوره‌گی نازک دیر شونی اوچون قورقیش‌لری ممکن و بو کبی یانده‌شوولر گه چیک قوییلیشنی ایسته‌یمیز و امر معروف و نهی منکر برنامه‌لری عملگه آشیریلیشی، فرهنگی برنامه‌لر گه باغلیق دیر.»
امر معروف و نهی منکر وزیرلیگی مسئوللری، کابل غربی ده محتسب‌لر تامانیدن عیاللر دن قطاری قولگه آلینیشینی قبول قیلیب ایتیشلریچه، اولر وقتینچه‌لیک قولگه آلینگنلر.
بیزلرنینگ «ایکس» ترماغی ده هم تعقیب قیلینگ!
اوشبو ییغیلیش ده، کابل شهری ۱۸-خوفسیزلیک حوزه ده امر معروف و نهی منکر آمری احسان‌الله ثاقب نینگ ایتیشیچه، نیچه مرته کابل غربی یشاوچیلری گه مصلحت بیریلگن و محتسب‌لر حجاب نی رعایت قیلمه‌گن قطار عیاللرنی قولگه آلگنلر.
او نینگ کوپه‌یتیریشیچه: «حجاب‌سیز خاتین قیزلر عیال پولیسی تامانیدن وقتینچه‌لیک قولگه آلینگنلر و اولر نینگ عایله‌لرینی بوتوغریده آگاه‌لنتیریش اوچون اولر قولگه آلینگنلر.»
ایتیش کیره‌ک، بیرینچی بار قطار خاتین قیزلر حجاب نی رعایت قیلمسلیک‌لری اوچون امر معروف و نهی منکر وزیرلیگی نینگ محتسب‌لری تامانیدن قولگه آلینگنلر.
