بوگون (سه‌شنبه، ۹ جوزا) کابل ده، امرمعروف و نهی منکر وزیرلیگی تامانیدن محتسب‌لر نینگ ایشگه آلیش سیناوی اوتکزیلدی. اوشبو سیناو ده ۲۵۶ دین عالمی اشتراک ایتگن، اولردن ۲۰۰ ته‌سی کابل شهری ده محتسب صفتیده ایشگه آلینیشی کوتیله‌دی.
مذکور وزیرلیک چوکاتیده مملکت بویلب حاضر آلتی مینگ محتسب وظیفه بجریب کیلماقده.
امرمعروف و نهی منکر وزیرلیگی سوزلاوچیسی محمدصادق عاکف مهاجر نینگ ایتیشیچه، اوشبو وزیرلیک محتسب‌لر سانینی کوپه‌یتیریش مقصدیده سعی‌وحرکت قیلماقده دیر.
بیزلرنینگ فیسبوک صحیفه‌میزگه باش اورینگ!
اونگه کوره: «منطقه گه قره‌ب محتسب‌لر سانی کوپه‌یشی ممکن، چونکه حاضر بیر ولایت قدر نفوسی بولگن قطار تومن‌لرده یالغیز اون محتسب بار، بو گَل تومن‌لر نینگ نفوسی گه قره‌ب محتسب‌لر سانی کوپه‌یتیریلیشی ممکن.»
اسلام امیرلیگی مسئوللری گه کوره، محتسب‌لر شفاف سیناو آرقه‌لی ایش گه آلینیب و اولر گه یشاوچیلر بیلن قنده‌ی یانده‌شیش‌لری حقیده بیلگی بیریلگن.
امرمعروف و نهی منکر وزیرلیگی معینی محمدفقیر محمدی نینگ ایتیشیچه: «سیز محتسب‌لر؛ کوپ احتیاط قیلینگلر چونکه سیزلر یشاوچیلر بیلن کوپراق مناسبت ده سیزلر، سیزلر قوم نینگ یول یوروغینی کورسه‌تووچی سیزلر، یشاوچیلر سیزلر گه قره‌ب اسلام امیرلیگینی قیاسلشه‌دی.»
بوندن آلدین، محتسب‌لر نینگ یشاوچیلر بیلن ناقانونی یانده‌شیشی حقیده ایریم گزارش‌لر ترقه‌لگن.
عین‌حالده، کابل ده محتسب صفتیده ایش گه آلیش سیناوی گه اشتراک ایتگن دین عالم‌لریدن بیرقطاری، دین قانون_قاعده‌لری اساسیده یشاوچیلر بیلن یانده‌شیش اوچون سعی‌وحرکت قیلیش‌لریدن ایشانچ بیریشه‌دی.
اوشبو سیناو گه اشتراک ایتگن عبدالرحمان رحیمی گه کوره: «قرآن و حدیث گه ذکر بولگن نرسه و وزارت تامانیدن بیریلگن بویروغ اساسیده عمل قیله‌میز.»
بیزلرنینگ توییترده هم تعقیب قیلینگ!
شونینگدیک، مذکور سیناو گه اشتراک ایتگن‌لردن باشقه بیری شریف‌الله نینگ ایتیشیچه: «عالم‌لردن اوز وظیفه‌لرینی اساسی روشده بجریش‌لرینی ایسته‌یمیز، عادی اهالی گه ضرر ییتکیزمسلیک کیره‌ک.»
ایتیش کیره‌ک که، بوندن آلدین امر معروف و نهی منکر وزیرلیگی، شیعه‌لر یشه‌یدیگن منطقه‌لرده شیعه عالم‌لریدن محتسب استخدام بولیشینی ایتگندی.
