افغانستان اسلامی امارت رسمی‌لری، وزیرلیکلر، ارمیه‌لر و باشقه بعضی حکومت اداره‌لریده حربی و غیر نظامی یوقاری لوازم‌لرده ۲۰ کیشی تعیین‌لنگنیدن خبر بیرگن. اسلامی امارت سوزلاوچیسی ذبیح‌الله مجاهد توییتر صحیفه‌سیده بیر رویخط ترقه‌تیش بیلن اعلام قیلیشیچه، مذکور تعیینات اسلامی امارت رهبری هبت‌الله آخوندزاده نینگ بویروغی اساسیده بیر قطار ولایت‌لرده عملگه آشیریلگن.
مذکور رویخط‌ده کیلیشیچه، ننگرهار نینگ سابق حاکمی محمدداوود مزمل ایچکی ایشلر وزیرلیگی نینگ بیرینچی اورین باسری صفتیده، زابل حاکمی نینگ سابق اورین باسری عبدالخالق قبیله و چیگره وزیرلیگی نینگ جرگه‌لر و قبیله‌لر نی هماهنگ قیلووچی اورین باسری صفتیده، پترولیم و کانلر وزیرلیگی نینگ سابق معینی محمدعیسی آخوند برشنا شرکتی نینگ عمومی رئیسی صفتیده، قندهار سابق امنیه قومندانی عبدالغفار محمدی ۲۰۵ البدر قول‌اردو اورین باسری صفتیده و رحیم‌الله محمود ایسه قندهار امنیه قومندانی صفتیده تعیین‌لنگن.
بیزلرنینگ فیسبوک صحیفه‌میزگه باش اورینگ!
رویخط اساسیده، پروان حاکمی صفتیده عبیدالله، مذکور ولایت حاکمی اورین باسری صفتیده محمدادریس و اوشبو ولایت امنیه قومندانی صفتیده عزیزالله تعیین‌لنگن. شونینگدیک اسلامی امارت بغلان حاکمی اورین باسری صفتیده محمدنعیم نی تعیین قیلگن. فهرست‌ده کیلیشیچه، کاپیسا حاکمی صفتیده بریال، اوشبو ولایت امنیه قومندانی صفتیده ضیاءالحق، کابل حاکمی صفتیده ندا محمد، کابل حاکمی اورین باسری صفتیده محمدیونس مخلص و اوشبو ولایت خوفسیزلیک آمری صفتیده تعیین‌لنگن.
بیزلرنینگ توییترده هم تعقیب قیلینگ!
شونینگدک مذکور رویخط‌ده یازیلیشیچه، ننگرهار حاکمی صفتیده گل‌محمد، حاکم اورین باسری صفتیده مولوی ربانی و اوشبو ولایت قومندانی صفتیده مولوی قیام تعیین‌لنگن. اسلامی امارت قندوز امنیه قومندانی صفتیده قاری بدرنی تعیین قیلگن. اوشبو فهرست نینگ اداغیده نورستان حاکمی اورین باسری صفتیده زرمحمد و زابل حاکمی اورین باسری صفتیده سلیمان آغا تعیین‌لنگن.
