القاعده ترماغی نینگ امریکا ده خلق‌ارا سودا مرکزی بناسی گه هجومی دن ۲۲ ییل اوتماقده؛ بو هجوم دنیا فکرینی جهان امنیتی و تروریزم برابری ده اوزگرتیردی و اوشبو هجوم عاقبتی افغانستان و یشاوچیلری اوستیگه سلبی تأثیر قیلیب و حاضرگچه دوام ایتماقده دیر.
القاعده ترماغی نینگ اوشبو هجومی دن کیین، بیرینچیدن امریکا و کیین ایسه غربی باشقه اولکه‌لر عصیانچی گروه‌لر گه قرشی کوره‌ش مقصدیده قوشین تارتیب و ایکی سنه افغانسان ده قالدیلر.
امریکا نینگ افغانستان ده حضوری، اوشبو مملکت نینگ اینگ اوزاق اوروشی سنله‌دی، امریکا ییتکچیلیگیده ناتو کوچلری افغانستان ده اسلام امیرلیگی حاکمیت نی آلیشی بیلن افغانستان نی ترک ایتدیلر.
بیزلرنینگ فیسبوک صحیفه‌میزگه باش اورینگ!
۱۱ سپتمبر هجومی دن ۲۲ ییل اوتماقده ایکن، افغانستان ده امریکا نینگ حضوری و اوشبو مملکت دن چیقیش جنجلی حاضرگچه حل بولمه‌گن.
امریکا قوشمه ایالت‌لری نینگ مرکزی کوچلر (سنتکام) سابق قوماندانی مک‌کنزی، افغانستان ده جمهوریت توزومی قوله‌شی و امریکا نینگ چیقیشی پیتیده اوشبو لوازم ده ایدی، امریکا نینگ افغانستان دن چیقیشینی کتته خطا دیگن.
او «فاکس‌نیوز» بیلن اوتکزگن صحبتیده ایتیشیچه: «افغانستان ده حربی حضوریمیز قنده‌ی یکونلندی، کوپ افسوس ده من. چیقیش اوچون دستلبکی قرار دن افسوس‌لنه‌من؛ چونکه بو قرار خطا ایکنینی اویله‌ی من.»
نیویارک شهری ده خلق‌ارا سودا مرکزی بناسی گه القاعده ترماغی نینگ قانلی هجومی دن ۲۲ییل اوتماقده ایکن بو ییر افغانستان ده تاریخ آرتگه قیتگن و امریکا نینگ ایشانچی گه کوره، مذکور هجوم عامل‌لری گه پناه بیرگن‌لر ایکی ییل دن بیری افغانستان ده حاکم دیر.
سیاسی ایش بیلرمان نجیب‌الرحمان شمال نینگ ایتیشیچه، مذکور هجوم عاقبتی افغانستان اوستیگه سلبی تأثیر قیلیب و بو مملکت نی بحران گه دوچ قیلگن.
او نینگ کوپه‌یتیریشیچه: «امریکا ده سودا مرکزی بنالری گه بولگن هجوم‌لر، امریکا تروریزم گه قرشی کوره‌ش بهانه‌سیده افغانستان گه هجوم قیلیشی گه زمینه یره‌تدی و کیین ایسه امریکا گه قوشیمچه، ناتو گه اعضا ۴۰۰ مملکت افغانستان گه باستیریب کیردیلر.»
بیزلرنینگ توییترده هم تعقیب قیلینگ!
باشقه تاماندن، سیاسی ایش بیلرمان‌لردن بیرقطاری نینگ ایشانچی گه کوره، امریکا ۱۱ سپتمبر هجومی بهانه‌سیده افغانستان گه باستیریب کیریب و اوشبو مملکت ده اوز غایه‌لرینی ایزلش اوچون فایده‌لندی.
اولر گه کوره، افغانستان گه امریکا نینگ هجومی و حربی باستیریب کیریشیدن کیین، نه فقط جهان خوفسیزلیگی تأمینلنمه‌دی؛ بلکه بحرانلی بولگن.
سیاسی ایش بیلرمان‌لردن باشقه بیری ویس ناصری نینگ سلام‌وطندار گه ایتیشیچه: «۱۱ سپتمبر جهان خوفسیزلیگی اوچون کتته اوزگریش باشله‌نیشی ایدی؛ بیراق ۲۲ ییل دن کیین و ۲۰۰۱_ییل گه قره‌گنده، حاضر تروریزم دن ضرر کورگن.»
شو بیلن بیرگه، اسلام امیرلیگی سوزلاوچیسی ذبیح‌الله مجاهد، ۱۱ سپتمبر هجومی گه مناسبت بیلدیریب سلام‌وطندار گه ایتیشیچه: «۱۱ سپتمبر واقعه‌سی افغانستان گه تیگیشلی ایمس ایدی؛ بیراق امریکا بو هجوم نی بهانه قیلیب افغانستان گه باستیریب کیردی و کیین ایسه مملکت کوپ زیان کوردی. ۲۰ ییل اوروش بولدی، دنیا اعتباری نقصان کوردی و کوپ جانی و مالی زیان کوردی. امریکا نینگ باسیمی نتیجه بیرمه‌دی امریکا نینگ باش دن خطا قیلگنی بیللی بولدی. اسلام امیرلیگی و افغانستان خلقی هردایم مملکت‌لریدن مدافعه قیلیش گه تیار ایدیلر و اشغال قیلووچیلر نینگ باسیم نیت‌لری بولسه، بیزنی جوابی‌میز بیلن روپه‌ره بوله‌دیلر.»
بونگه علاوه، دنیا همجمعیت افغانستان ده باشلنگن عصیانچی گروه‌لر نینگ تهدیدلرینی جدی دیب اویله‌یدی؛ بیراق اسلام امیرلیگی بو ادعالرنی اساس‌سیز عنوان قیلیب و رد قیله‌دی.
