«سنتکام» قومندانی جنرال فرانک مکنزی نینگ ایتیشیچه، آمریکا چیققنیدن کیین افغانستان حربی‌لری نینگ حمایت گه ضرورتی بار. اونینگ ایتیشیچه، بو ایش بولمه‌گن صورتده، افغانستان حربی‌لری اورته دن کیتیشی ممکن.
مکنزی اوتگن کون (پنج‌شنبه ۲- ثور) آمریکا سنا حربی کوچلر کمیته‌سی گه ایتیشیچه، آمریکا چیققنیدن کیین افغانستان حربی‌لری نینگ اوزینی سقله‌شی خصوصیده خواطرگه دیر.
اونینگ ایتیشیچه: «بیزلر چیققندن کیین افغانستان حربی‌لری نینگ کوچلری توغریسیده خواطرگه من. افغانستان هوایی حربی‌لری کوچلری خصوصیده اینیقسه، بیزلر مذکور حربی‌لردن حمایتی‌میز نی توختتگندن کیین.»
جنرال مکنزی نینگ کوپه‌یتیریشیچه، او شونینگدیک افغانستان بوییچه آمریکا ایلچی‌خانه‌سی نینگ سقلش گه افغانستان دولتی نینگ کوچی خصوصیده هم خواطرگه دیر.
بوندن آلدین آمریکا جمهوررئیسی جو بایدن نینگ ایتیشیچه، آمریکالیک حربیلر نینگ افغانستان دن چیقیشی می آیی گه باشله‌نیب و ۱۱- سپتمبر آیی گچه یکونلنه‌دی کیم بو تاریخ القاعده نینگ نیویورک برج‌لری اوستیگه اویوشتیرگن هجومی نینگ ۲۰ ییل‌لیگی گه ماس کیله‌دی.
عین حالده، ناتو هم آمریکا حربی‌لری بیلن بیرگه بو تشکیلات حربی‌لری هم افغانستان نی ترک قیلیشی ممکن دیدی.
شونده‌ی بیرحالده، مملکت جمهوررئیسی محمداشرف غنی، چیت‌ایللیک کوچلر چیققنیدن کیین مملکت حربی‌لری اولکه دن مدافعه قیلیش اوچون تیارگرلیک‌لری حقیده بیانات بیرگن ایدی.
