مملکت جمهوررئیسی محمداشرف غنی نینگ ایتیشیچه، افغانستان‌لیکلرارا سوزلشوولرنینگ اساسی نی قرآن و اسلامی شریعت تشکیل بیریشی کیره‌ک. اونینگ ایتیشیچه، طالبان دین اوچون ییل‌لرچه مبارزه قیلگن‌لرینی ادعا قیلیشه‌دی، بیراق تینچلیک سوزلشوولریده آمریکا بیلن امضاله‌گن کیلیشوونامه‌لری نینگ اساس قرار بیریشه‌دی.
جناب غنی بوگون (پنجشنبه ۸- عقرب) اسلام پیامبری نینگ توغیلگن کونیدن نشانلش مراسمیده، طالبان گروهیدن زوروانلیکلردن قول تارتیب و اسلامی شریعت نی افغانستان‌لیکلرارا سوزلشوولرگه اساس قرار بیریش‌لرینی سوره‌یدی. او شونینگدیک مذکور گروه دن افغانستان دین عالم‌لری بیلن صحبت اوتکزیش‌لرینی سوره‌گن.
جمهوررئیس گه کوره، تینچلیک یولیدن صورت تاپه‌دیگن نیرسه‌لر اوروش یولیدن صورت تاپه آلمه‌یدی. او طالبان گروهی نینگ مسجد و مدرسه‌لرنی تخریب قیلیش گه عیب‌لب اورغولشیچه، بو ملت نی تقسیم قیلیش اوچون فکر قیله‌دیگن هر بیر کیشی ناکام بوله‌دی.
جناب غنی بیاناتی نینگ بیر بولیمیده ایتیشیچه، تیزیم نینگ اساسی اسلامی دیر و افغانستان امنیتی کوچلری اسلامی قانون‌لرگه عمل قیلیشه‌دی.
ایتیش کیره‌ک کیم دوحه ده تینچلیک سوزلشوولری باشلنگنیدن کمیده بیر یریم آی اوتماقده. بیراق حاضر افغانستان دولتی و طالبان نینگ تماس گروه‌لری نیچه ییغین یولگه قوییش بیلن، افغانستان‌لیکلرارا رسمی سوزلشوولری نینگ طرزالعملی نی نهایی قیله آلمه‌گن.
