Asset 1SWN

آمریکا و طالبان آره‌سیده‌گی کیلیشوونامه بوتونلی عملی ایتیلیشی؛ خلیل‌زاد ملا برادر بیلن اوچره‌شدی

Zalmai-Brother-1-oxm73995ktnp1zpe96zgyfo5vkhtn78fimp7a7ipp0

قطرده طالبان سیاسی دفتری سوزلاوچیسی محمد نعیم نینگ ایتیشیچه، اوتگن کون (چهارشنبه ۷- عقرب) شام چاغی افغانستان تینچلیگی بوییچه آمریکا خاص نماینده‌سی زلمی خلیل‌زاد دوحه ده مذکور گروه نینگ سیاسی اورین‌باسری ملا عبدالغنی برادر بیلن اوچره‌شگن.

قطر ده طالبان سیاسی دفتری سوزلاوچیسی بیر توییت یازیب ایتیشیچه، مذکور اوچره‌شووده ایکی تامان آمریکا و طالبان آره‌سیده امضالنگن کیلیشوونامه نینگ ارزشی و بوتونلی عملی ایتیلیشی، قالگن محبوسلرنینگ قوییب یوباریلیشی و شونینگدیک باشقه موضوعلر خصوصیده سوزلشگن.

خلیل‌زاد دوشنبه کونی ۵- عقرب افغانستان تینچلیگی خصوصیده سفرلری نینگ ینگی دوری نی باشله‌دی. شونینگدیک جناب خلیل‌زاد سفری نینگ بو دوریده ناروی کیتیش گه قرار قیلگن.

جناب خلیل‌زاد اوتگن کون ناامیدلیک بیلن بیر توییت قیلیشیچه، زوروانلیکلر کمه‌یتیریلیشی خصوصیده سوزبیریلگن بیرحالده، حاضر هم افغانستان ده زوروانلیکلر میزانی کمه‌یگنی یوق.

اونینگ اورغولیشیچه، سیاسی بیر کیلیشوو گه قول تاپیش دریچه‌سی هردایم آچیق بولمه‌سی ممکن.

ایتیش کیره‌ک کیم دوحه ده تینچلیک سوزلشوولری باشلنگنیدن کمیده بیر یریم آی اوتماقده. بیراق حاضر افغانستان دولتی و طالبان نینگ تماس گروه‌لری نیچه ییغین یولگه قوییش بیلن، افغانستان‌لیکلرارا رسمی سوزلشوولری نینگ طرزالعملی نی نهایی قیله آلمه‌گن.

مرتبط با این خبر:

کلیدی کلمه‌لر: // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام