آمریکا جمهوررئیسی جو بایدن مذکور مملکت کنگره‌سیده‌گی بیرینچی بیاناتی ده ینه بیر مرته افغانستان اوروشی یکونله‌نیشی اوستیگه اورغولب ایتیشیچه، چیت‌ایللیک کوچلر افغانستان نی ترک قیلیشی کیره‌ک.
آمریکا جمهوررئیسی اوتگن کیچه (چهارشنبه ۸- ثور) بو مملکت کنگره‌سیده ایتیشیچه، بو مملکت افغانستان ده اوزون مدتلی اوروشی نی اوتکزگن و افغانستان‌ده‌گی آمریکالیک کوچلرنینگ برچه‌سی میلادی ۲۰۰۱- ییل ۱۱- سپتامبر آیی دن کیین تولد بولگن کیشیلر دیر.
جناب بایدن نینگ اورغولشیچه، آمریکالیک کوچلر القاعده ترماغی نینگ سابق رهبری اسامه بن‌لادن نی جزالنتیرگن و شونینگدیگ افغانستان ده مذکور گروه تهدیدی نینگ کمه‌یتیرگن. آمریکا جمهوررئیسی گه کوره، ترورچیلیککه قرشی کوره‌ش گه ۲۰ ییل قربانلیک بیرگنیدن کیین، حاضر مذکور مملکت حربی‌لری نینگ آمریکا گه قیتیش زمانی کیلگن.
باشقه بیر تاماندن جناب بایدن بیاناتی نینگ بیر بولیمیده اورغولشیچه، ترورچیلیک تهدیدی حاضر افغانستان دن تشقی چیققن. اونینگ ایتیشیچه، آمریکا کیله‌جکده ترورچیلیک تهدیدلرنی سرکوب قیلیش اوچون کوچی نی سقله‌یدی و اونینگ دفع قیلیشی گه مراقب بولیشی ممکن.
آمریکا جمهوررئیسی جو بایدن، رسمی شکلده حربی‌لری نینگ افغانستان دن چیقیش تاریخی نی اعلام قیلدی. عین حالده، ناتو هم آمریکا حربی‌لری بیلن بیرگه بو تشکیلات حربی‌لری هم افغانستان نی ترک قیلیشی ممکن دیدی.
آمریکا جمهوررئیسی جو بایدن نینگ ایتیشیچه، آمریکالیک حربیلر نینگ افغانستان دن چیقیشی می آیی گه باشله‌نیب و ۱۱- سپتمبر آیی گچه یکونلنه‌دی کیم بو تاریخ القاعده نینگ نیویورک برج‌لری اوستیگه اویوشتیرگن هجومی نینگ ۲۰ ییل‌لیگی گه ماس کیله‌دی.
