پکتیا عیاللری نینگ ایتیش‌لریچه، بو ولایتده آپه سینگیل‌لریگه میراث آلیش حقی نی بیره‌دیگن کیشی کوپ کم دیر. اولرنینگ ایتیش‌لریچه، عیاللرگه میراث آلیش حقی بیریلگن صورتده،‌ اولر مالی نقطه‌ی نظردن باشقه‌لرگه محتاج بولیشدن نجات تاپه‌دی.

عیاللر حقلری فعالریدن بیری انارکلی نینگ ایتیشیچه،‌ عیاللرگه میراث آلیش حقی بیریلگن صورتده، اجتماع ده عیاللرگه قرشی عدالت‌سیزلیکلر کمه‌‌یشی ممکن.

عیاللردن باشقه بیر قطاری نینگ ایتیش‌لریچه، اجتماع ده دین عالم‌لری و قوم بویوک‌لری نینگ باشقه‌لرگه نسبتن مسئولیتی کوپ دیر و اولر قیزلری و سینگیل‌‌لرینی میراث آلیش حقی اوچون دادخواهلیک قیلیش‎لری کیره‌ک. زرمینه، ملاامام‌لردن عیاللرنینگ اسلام گه کیلگن حقلری اوچون دادخواهلیک قیلیش‌لرینی سوره‌یدی.

دین عالم‌لری عیاللرنینگ میراث آلیشی نی اولرنینگ مسلم حقی دیب و ایتیش‌لریچه، برچه عایله‌لر ایرکک باله‌لری نینگ یانیده قیز باله‌لریگه هم حق بیریش‌لری کیره‌ک. دین عالم‌لریدن بیری مولوی خواجه‌الدین حق بیان نینگ ایتیشیچه، میراث ده ایکی سینگیل نینگ حقی بیر ایناغه نینگ حقی گه تینگ کیله‌دی.

بو توغریده مسجدلر امام‌لریدن کوپینچه تنقید بولگن کیم اولر مسجدلر و باشقه تبلیغاتی مرکزلرده عیاللرنینگ حقلری خصوصیده نیمه اوچون دادخواهلیک قیلمه‌یدی. بیراق دین عالم‌لری نینگ ایتیش‌لریچه، اولر عیاللرنینگ حقلری توغریسیده هر دایم اهالی گه توصیه قیلگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام