اسلامی امارت معارف وزیرلیگی قیزلر مکتب‌لری نینگ آچیلیشی اوچون دین عالملر ییغینی نینگ یولگه قویلیشی‌دن خبر بیره‌دی. معارف وزیرلیگی سوزلاوچیسی عزیز‌احمد ریان، گرچند مذکور ییغین نینگ قچان یولگه قویلیشی خصوصیده دقیق معلومات بیرمه‌گن؛ بیراق اونینگ ایتیشیچه، اوشبو ییغین تیزلیککه کابل ده یولگه قویلیشی ممکن.
او، مذکور ییغین نی نتیجه‌بخش عنوان قیلیب و کوپه‌یتیریشیچه، قیزلر نینگ مکتب گه باریشلری دینی و سنتی جنبه‌سی بار، انه شوو سبب دین عالملر اسلامی شریعت اساسیده ینگی شرط‌لر نی وضع قیلیش بیلن قیزلر مکتب‌لری نینگ آچیلیش طرحی نی یکونلنتیره‌دیلر.
بیزلرنینگ فیسبوک صحیفه‌میزگه باش اورینگ!
معارف وزیرلیگی سوزلاوچیسی مذکور ییغین نینگ یولگه قویلیشی بیلن ۶-صنف‌دن یوقاری قیزلر مکتب‌لری نینگ تیزلیککه آچیلیشی خصوصیده امیدوارلیک بیلدیرگن.
بیراق تعلیم بیلرمانی مرتضی خلیلی نینگ ایشانچی گه کوره، قیزلر تعلیمی دینی موضوع گه نیاز یوق و اسلامی امارت بهانه آخترمه‌ی، تیزلیککه قیزلر یوزیگه مکتب‌لر نینگ آچیشی کیره‌ک.
اونینگ کوپه‌یتیریشیچه: «بیران شرعی جنبه‌سی یوق و علما فتواسی گه نیازی یوق. بو بشری بیر مسأله دیر، اسلامی امارت اوزی مذکور موضوع نی بیله‌دی. علما ییغینی نینگ بهانه‌سی بیلن اوشبو موضوع نینگ حل بولیشی گه امید قیله‌میز.»
تعلیم ایش بیلرمان‌لریدن باشقه بیری صدیق پتمن نینگ اورغولشیچه، مذکور ییغین یالغیز اسلامی امارت عالم‌لری نینگ شرکتی بیلن یولگه قوییلمه‌ی و شونینگدیک اوشبو ییغین گه باشقه عالملر نینگ شرکت قیلیش‌لری کیره‌ک.
بیزلرنینگ توییترده هم تعقیب قیلینگ!
جناب پتمن نینگ کوپه‌یتیریشیچه، مذکور ییغین‌ده مکتب‌لر نینگ آچیلیشی گه تاکید بولیشی کیره‌ک.
بوندن آلدین ولایت‌لردن قطاری‌ده دین عالملر اسلامی امارت تامانیدن قیزلر گه تعلیم نینگ دوام بیریش‌لری اوچون رخصت بیریلیشی نی ایسته‌گنلری بیر حالده، قیزلر مکتب‌لری نینگ آچیلیشی اوچون دین عالم‌لری نینگ ییغینی یولگه قویلیشی ممکن.
