افغانستان گه کیلگن اسلامی بیش مملکت دین عالم‌لری نینگ ایتیش‌لریچه، اسلام امیرلیگی قیزلر تعلیمی گه زمینه یره‌تیش اوچون بیر کمیسیون نینگ ایشی باشلنگنی خصوصیده اولر گه سوز بیرگن.
یمن، سودان، فلسطین، مصر و لیبیا مملکت‌لریدن افغانستان گه سفر قیلگن اوشبو عالملر نینگ کوپه‌یتیریش‌لریچه، اسلام امیرلیگی حکومتی نینگ مسئوللری و ییریک رسمی‌لری گه، اسلام امیرلیگی نینگ غالب‌لیگی نی تبریک‌لش مقصدیده افغانستان گه سفر قیلگنلر.
بیزلرنینگ فیسبوک صحیفه‌میزگه باش اورینگ!
بیش مملکت‌دن کیلگن مذکور بیش دین عالم، اسلام امیرلیگی نینگ ییریک رسمی‌لری جمله‌دن اسلام امیرلیگی الوزرا ریاست اورین‌باسرلری عبدالغنی برادر و عبدالسلام حنفی و ایچکی ایشلر، تشقی ایشلر، معلومات و مدنیت، معارف و شهید‌لر و ناگران‌لر وزیرلیک‌لری سرپرست‌لری بیلن اوچره‌شیب و صحبت قیلگنلر.
اسلام امیرلیگی حاضرگچه هیچ بیر مملکت تامانیدن رسمیت گه تانیلمه‌گنی و شونینگدیک عیال‌ل‌لر تعلیمی و ایشی خصوصیده‌گی اسلام امیرلیگی نینگ سونگی قراری کوپینچه عکس‌العمل‌لر اینیقسه اسلام دنیاسی نینگ جدی عکس‌العملی بیلن روپه‌ره بولگنی بیرحالده، افغانستان گه اسلامی بیش مملکت نینگ دین عالم‌لری سفر قیلگن.
عین حالده، آلتینچی صنف‌دن یوقاری قیز اوقووچیلر مکتب‌لری نینگ آچیلیشی نی کوتیب تورگنلری بیرحالده، حاضرگچه مکتب‌لری آچیلمه‌گن، بیراق دین عالم‌لری ایشانچ بیلدیریب و ایتیش‌لریچه، اسلام امیرلیگی حکوکمتی قیزلر نینگ تعلیمی گه قرشی ایمس. اولر گه کوره، اسلام امیرلیگی قیزلر تعلیمی گه زمینه یره‌تیش اوچوم بیر کمیسیون ایشی باشلنگنی‌دن اولر گه ایشانچ بیرگن.
اوشبو دین عالملر بوگون (سه‌شنبه، ۲۰ جدی)، کابل ده یولگه قوییلگن خبری بیر ییغین‌ده ایتیش‌لریچه، اسلام امیرلیگی رسمی‌لری اولر بیلن اوچره‌شیب و فنی و لوژستیکی قیین‌چیلیک‌لر نینگ حل بولگنی‌دن کیین، قیزلر گه تعلیم حقی بیریلیشی ممکن دیگن.
مذکور عالملر تامانیدن ارائه بولگن سکیز ماده‌لیک بیانیه‌ده تاکید بولگن که، اسلام امیرلیگی قیزلر تعلیمی خصوصیده‌گی قیین‌چیلیک‌لر حلی اوچون، تیگیشلی وزیرلیک‌لر مسئوللریدن تشکیل بولگن بیر کمیسیون نی، تشکیل بیرگنلر.
مذکور بیانیه نینگ تورتینچی ماده‌سیده کیلگن که: «اسلام امیرلیگی مسئوللری جماعه نینگ برچه اهالی‌سی (ایرکک و عیال) نینگ تعلیمی گه تاکید قیلگنلر، چونکه عالملر رهبر‌لیک قیله‌دیگن بیر دولت‌ده عیال‌لر تعلیمی بولمه‌گنی اصلا فکر بولمه‌یدی. بیر آز تخنیکی و لوژستیکی قیین‌چیلیک‌لر بار که اولر گه حل یول تاپیلیب و تعلیم شریعت بویروغ‌لری اساسیده مطابقتی بولیشی کیره‌ک. بو توغریده نیچه وزیرلیک‌دن قوشمه بیر کمیسیون تشکیل بیرگنلر که، قیین‌چیلیک‌لر اوچون حل یول تاپیب و اونگه بیر زمان بیللی قیلگنلر.»
شونینگدیک اوشبو دین عالملر ترقه‌تگنلری بیانیه‌ده، افغانستان ده تینچ‌لیک و ثبات تامین‌لنیشی و ترورچی گروه‌لر اینیقسه داعش گروهی گه قرشی کوره‌ش، افغانستان ده سرمایه یاتقیزیش فایده‌سی و اسلامی مملکت‌لر تامانیدن اسلام امیرلیگی نینگ رسمیت گه تانیلیشی گه تاکید قیلگن.
مذکور عالملر نینگ ایشانچی گه کوره، افغانستان ده امنیت تامین بولگن و ترورچی گروه‌لر اینیقسه داعش گروهی برابریده جدی شکلده مبارزه بوله‌دیگن بیر شرایط‌ده، اسلامی مملکت‌لر افغانستان نینگ حاضرگی حکومتی نی رسمیت گه تانیب و افغانستان ده تینچ‌لیک خصوصیده اوشبو حکومت بیلن همکارلیک قیلیش‌لری کیره‌ک.
دین عالم‌لردن اوشبو هیئت نینگ ایتیشیچه، اسلام امیرلیگی حکومتی نی رسمیت گه تانیش اوچون اسلامی مملکت‌لر نی دعوت قیله‌دیلر. مذکور عالملر هیئت عضوی محمد الصغیر، سلام‌وطندار خبرچی‌سی تامانیدن اسلام امیرلیگی رسمیت گه تانیلمه‌گنی خصوصیده سوره‌لگن سوراق نینگ جوابی گه ایتیشیچه: «اسلام امیرلیگی نینگ رسمیت گه تانیش‌لری اوچون اسلامی مملکت‌لر نی دعوت قیله‌میز؛ بیراق حقیقت شو که، اسلام دنیاسی و باشقه دنیا مملکت‌لری آمریکا تامانیدن بیر اشاره نی کوتیب تورگنلر و بو اساسی بیر قیین‌چیلیک دیر.»
بیزلرنینگ توییترده هم تعقیب قیلینگ!
عین حالده، اسلام امیرلیگی حکومتی حاضرگچه انسان حقوقی اینیقسه عیال‌لر حقوقی رعایت بولیشی و همه‌شمول حکومت تشکیل بولیشی خصوصیده دنیا جماعه نینگ شرط‌لری نی عمل گه آشیرمه‌گن و دنیا هم افغانستان ده ترورچی گروه‌لر گه قرشی کوره‌ش اساسیده اسلام امیرلیگی نینگ سوز و رفتاری گه قناعت قیلمه‌گن.
شونده‌ی بیرحالده، اسلام امیرلیگی قدرت گه ایریشگنیدن بیری عیال‌لر نینگ ایش و تعلیمی بولیمی‌ده‌گی قرارلری سبب، دنیا جماعه‌سی یانیده منزوی بولیب و سونگی کون‌لرده دنیا افغانستان بیلن تعامل‌لری‌ده حتی انسانی فعالیت‌لری و یاردم‌لر ارائه‌سی نی کمه‌یتیرگن دیر.
