اسلامی همکارلیک تشکیلاتی ینه بیر بار، افغانستان ده ایچکی و خارجی مؤسسه‌لرده عیاللر نینگ ایشی توخته‌تیلیشی و طلبه قیزلر گه مکتب و بیلیم یورت‌لر گه باریش رخصتی بیریلمسلیگینی، اسلام قاعده‌لری گه قرشی دیگن.
اسلامی همکارلیک تشکیلاتی، افغانستان وضعیتی گه دایر سعودی عربستان نینگ جده شهری ده شاشیلینچ ییغیلیشی یکونیدن کیین قوشمه بیر بیانیه ترقه‌تیب، خاتین قیزلر نینگ ایش و تعلیمی گه رخصت بیریلیشی اوستیگه تأکید ایتگن.
۴۸ مسلمان دولت دن تشکیل ایتیلگن اسلامی همکارلیک تشکیلاتی، اسلام امیرلیگی دن خاتین قیزلر گه یره‌تیلگن چیکلاولر بیکار قیلینیشینی طلب قیلگن.
بیزلرنینگ فیسبوک صحیفه‌میزگه باش اورینگ!
اسلامی همکارلیک تشکیلاتی باش کاتبی نینگ ایتیشیچه: «یوللنگن مخصوص نماینده‌م آرقه‌لی، رسمی مقام‌لر گه پیام‌لرنی انتقال بیردیک، اوشبو پیام‌لرده اسلام قاعده‌لری اساسیده طلبه قیزلر یوزی گه مکتب‌لر آچیلیشی گه دایر دولت نینگ سابق وعده‌لری عملی بولیشی اوستیگه تأکید ایتدیک و نادولتی مؤسسه‌لرده عیاللر ایشی توخته‌تیلیشی، انسان پرورلیک یاردم‌لر اوستیگه سلبی تأثیر قیله‌دی.»
بیلیم یورت اوقیتووچیسی داکتر محمداکرم عارفی نینگ ایتیشیچه، مذکور ییغیلیش بیانیه‌سی فرهنگی و فکری لحاظ دن اسلام امیرلیگی نینگ ایشی و قرارلری اوستیگه تأثیر قیلیشی ممکن.
اونینگ سلام‌وطندار گه ایتیشیچه: «اوشبو ییغیلیش بیانیه‌سی فکری و سیاسی لحاظ دن اسلام امیرلیگی اوستیگه تأثیر قیلیشی ممکن.»
باشقه تاماندن، بیلیم یورت اوقیتووچیسی داکتر محمد اضطرابی گه کوره، دنیا همجمعیت نینگ باسیم‌لری دوامیده اسلامی همکارلیک تشکیلاتی نینگ ییغیلیشی، افغانستان ده عیاللر حقوقی وضعیتی گه دایر اسلام امیرلیگی نینگ قراری اوستیگه تأثیر قیله‌دی.
اونگه کوره: «اویله‌شیمچه بو بحث‌لر دوام ایتماقده و بو ییغیلیش اسلام امیرلیگی اوستیگه دنیا همجمعیت نینگ باسیم‌لری دوامیده تأثیر قیله‌دی و کیله‌سی نیچه آی ده، بوتوغریده ایجابی قرارلر آلینیشی کوتیله‌دی.»
شو بیلن بیرگه، خلق‌ارا مسئله‌لر تدقیقاتچیسی نظیراحمد رزاقی نینگ ایتیشیچه، اسلامی همکارلیک تشکیلاتی اسلامی قوشمه ارزش‌لر اساسیده تشکیل ایتیلگن و افغانستان گه هیئت یوباریلیشی بیلن، اسلام امیرلیگی نینگ قرارلری اوستیگه تأثیراتی بولیشی ممکن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «بو تشکیلات تأثیرچن دیر و تاثیرلی ارتباطی بار و جهان اسلام ارا همکارلیک اوچون مثبت دیر و مذکور تشکیلات دن افغانستان گه هیئت یوباریلگن تقدیرده، اسلام امیرلیگی نینگ کیلیشووی و تعاملی اساسیده، خاتین قیزلر گه ایش و تعلیم رخصتی بیریلیشی گه شرایط یره‌تیله‌دی.»
افغانستان ده خاتین قیزلر نینگ وضعیتینی تیکشیریش اوچون سعودی عربستان نینگ جده شهری ده اسلامی همکارلیک تشکیلاتی نینگ شاشیلینچ ییغیلیشی، افغانستان گه اوشبو تشکیلات نینگ ایکینچی هیئتی یوباریلیش قراری بیلن یکونلندی.
