اسلام امیرلیگی سوزلاوچیسی ذبیحالله مجاهد، دوشنبه کیچه، ۲۴ دلو، اوز توییتری ده، اسلام امیرلیگی کوچلری اوتگن کیچه کابل شهری سکیزینچی خوفسیزلیک حوزه حدودلری کارتهنو منطقهسیده، داعش گروهی نینگ بیر مهم قرارگاهی اوستیگه عملیات اوتکزگنینی یازگن.
بیزلرنینگ فیسبوک صحیفهمیزگه باش اورینگ!
اسلام امیرلیگی سوزلاوچیسی گه کوره، داعش گروهی نینگ قطار اعضالری نابود ایتیلگن. بیراق جناب مجاهد اولگنلر رقمی حقیده ایضاح کیریتمهگن. او نینگ یازیشیچه: «چونکه منطقه گوجوم دیر، عملیات استهسیکین دوام ایتگن.»
ذبیحالله مجاهد نینگ یازیشیچه، اوشبو داعش اعضالری کابل ده اویوشتیریلگن سونگی هجوملرده قولی بولگن.
بیزلرنینگ توییترده هم تعقیب قیلینگ!
ایتیش کیرهک که، اسلام امیرلیگی رسمیلری نیچه مراتبه مملکت ده داعش گروهی نینگ فزیکی حضورینی رد قیلیب، اسلام امیرلیگی حکومتی گه قرشی هیچ بیر قوراللی گروه نینگ حضوری وفعالیتی یوقلیگینی ایتگنلر.
داعش گروهی بوتوغریده حاضرگچه هیچ نرسه دیمهگن.