بوگون (سه‌شنبه، ۱ قوس)، کابل ده اقتصادنی قوللب_قوتلش ۱۳_خلق‌ارا عامه‌وی کورگزمه، سوداگرلیک و صناعت وزیرلیگی نینگ یاردمی و سوداگرلر و سرمایه یاتقیزووچیلر اتفاقی نینگ تشبثی بیلن یولگه قوییلدی.
سوداگرلر و سرمایه یاتقیزووچیلر اتفاقی نینگ حقوقی مصلحتچیسی محمدعاطف داعی نینگ ایتیشیچه، اوشبو کورگزمه، وطنی محصولات و قول صناعتی گه مناسب بازار قیدیریش مقصدیده یولگه قوییلگن.
اونگه کوره: «اوشبو کورگزمه، وطنی محصولات و قول صناعتی گه بازار قیدیریش اوچون سوداگرلر آره‌سیده یولگه قوییلگن.»
بیزلرنینگ فیسبوک صحیفه‌میزگه باش اورینگ!
عین‌حالده، سوداگرلیک و صناعت وزیرلیگی نینگ ایتیشیچه، خارج ده وطنی محصولات کورگزمه‌‌لرینی یولگه قوییشگه علاقه‌سی بولگن سوداگرلر بیلن بوتوغریده همکارلیک قیله‌دیلر.
سوداگرلیک و صناعت وزیرلیگی سرپرستی نورالدین عزیزی نینگ ایتیشیچه: «سوداگرلر، چیت ایل ده وطنی محصولات‌لرینی عامه‌وی شکلده کورگزمه گه قوییشنی ایستسه‌لر، بو وزیرلیک اولر گه بوتوغریده همکارلیک قیله‌دی.»
اوشبو کورگزمه ده اشتراک ایتگن وطنی محصولات ساتووچیسی سیدحفیظ الله سعیدی و قول صناعتی ساتووچیسی فروزان کوهستانی، محصولات‌لری گه بازار قیدیریش اوچون بو گَل کورگزمه‌لر اوتکزیلیشینی ایجابی بهاله‌یدیلر.
بیزلرنینگ توییترده هم تعقیب قیلینگ!
سوداگرلر و سرمایه یاتقیزووچیلر اتفاقی مسئوللری نینگ ایتیشلریچه، مذکور کورگزمه ده ۱۰۰ غرفه قوییلگن و ۵۰ غرفه‌سی ایسه، عیاللر گه اختصاص بیریلگن.
اقتصادی ایش بیلرمان‌لر نینگ ایشانچی گه کوره، وطنی محصولات و قول صناعتی اوچون نمایشگاه‌لر اوتکزیلیشی، بازارلری رونق تاپیشیگه سبب بوله‌دی.
