«کولرا» یا-ده «وبا» کسللیگی ساغلیق بولیمی‌ده یوقمه و جدی کسل‌لیکلردن دیر. داکترلر نینگ بیاناتی اساسیده، اوشبو کسللیککه تیزلیککه توجه بولمه‌گن صورت‌ده، کسل‌لر بدن سویوق‌لیکلری نی قولدن بیریب و هلاک بولیش‌لری ممکن.
شونده‌ی بیرحالده، کابل انتانی کسل‌خانه مسئوللری نینگ سلاموطندار گه ایتیشلریچه، اوتمیش گه قره‌گنده اوشبو کسل‌خانه‌ده «کولرا» کسللیگی گه شبهه‌لی واقعه‌لر ۳ برابر بولگن دیر.
کابل انتانی کسل‌خانه نینگ متخصص ترینری فرید‌الله عمری نینگ ایتیشیچه، اوتگن ۲۴ ساعت‌ده مذکور کسل‌خانه‌ده «کولرا» گه شبهه‌لی ۱۱۰ کسل مراجعه قیلگن که، اوتمیش‌ده اوشبو آمار ۲۴ ساعت‌ده ۳۰ کیشی گه ییتیشه‌ر ایدی. اونینگ کوپه‌یتیریشیچه، «کولرا» گه شبهه‌لی ۱۱۰ کسل نینگ آره‌سیده، ایکی کیشی نینگ آزمایشی ایجابی چیقگن دیر.
بیزلرنینگ فیسبوک صحیفه‌میزگه باش اورینگ!
کابل انتانی کسل‌خانه مسئوللری نینگ کوپه‌یتیریش‌لریجه، هوا نینگ ایسیق بولگنی، حفظ‌الصحه مراعات بولمه‌یشی و پاک سوو گه قول تاپه آلمه‌یش، مذکور کسل‌لیک نینگ کوپه‌یشی سبب بولگن دیر.
شونده‌ی بیرحالده، مذکور کسل‌خانه گه مراجعت قیلگن کسل‌لردن قطاری نینگ سلاموطندار گه ایتیشلریچه، اوتگن نیچه کون آلدین اوشبو کسل‌خانه نینگ جدی مراقبت‌لری آستیده قرار تاپگن ایکن‌لر که، حاضر ایسه وضعیت‌لری یخشی بولگن دیر.
باشقه بیر تامان‌دن، بوگون باختر دولتی خبرگزارلیکی بیر توییت آرقه‌لی ایتگن که، یالغیز زابل ولایتی نینگ شهر صفا تومنی‌ده، اونلرچه کیشی «کولرا» کسللیگی گه چلینگن دیر. اوشبو رسانه نینگ سونگی نیچه گزارشی گه قره‌گنده، زابل نینگ دایچوپان و شاه‌جوی منطقه‌لریده هم یوزلرچه کیشی اوشبو کسللیککه چیلینگن ایکن.
شونده‌ی بیرحالده، اسلامی امارت ساغلیق نی سقلش وزیرلیگی مسئوللری نینگ سلاموطندار گه ایتیشلریچه، شونینگدیک قندهار، هلمند و میدان‌وردک ولایت‌لریده یوزلرچه کیشی کولرا گه شبهه‌لی کسل‌لیکلر گه چلینگنلر.
بیزلرنینگ توییترده هم تعقیب قیلینگ!
ساغلیق نی سقلش وزیرلیگی سوزلاوچیسی داکتر شرافت زمان نینگ ایتیشیچه، حاضرگچه ۱۸ کیشی اسهال سبب جان بیرگن دیر. داکتر زمان گه کوره، ساغلیک تیم‌لر محل گه باریب و اوشبو کسللیککه چلینگن کسل‌لر نی تداوی قیلماقده‌لر.
داکترلر نینگ بیاناتی اساسیده، «کولرا» کسللیگی یامان و خطرلی کسل‌لیکلردن دیر که ناپاک سوولر نینگ ایچیلیشیدن تاپیله‌دی و اسهال و قیتریش اوشبو کسل‌لیک نینگ علایم‌لریدن دیر.
