کابل ده انتانی کسل‌خانه مسئوللری کولرا کسللیگی نینگ کوپه‌یگنیدن خبر بیرهدیلر. اولر نینگ ایتیش‌لریچه، اوتمیش بیر آی گه قره‌گنده اوشبو کسل‌لیککه شبه‌لی واقعه‌لر سانی ایکی برابر بولگن.
مذکور کسل‌خانه‌ده قید اِیتیلگن ارقام اساسیده، یالغیز سه‌شنبه کونی، ۳-جوزا ۱۷عیال شامل ۳۵ کیشی کولرا کسللیگی نینگ علایم‌لری بیلن انتانی کسل‌خانه‌سی گه مراجعت قیلگنلر؛ مسئوللر نینگ اَیتگن آماری گه کوره، اوتگن آیده بیر کون‌ده کولرا کسللیگی نینگ سانی کمیده ۲۰ واقعه گه ییتیشه‌ر ایدی.
انتانی کسل‌خانه‌سی نینگ متخصص ترینری فرید‌الله عمری نینگ سلام‌وطندار گه ایتیشیچه، کولرا کسللیگی گه شبهه‌لی مراجعت قیلووچیلر رقمی کوپه‌یماقده دیر و اوشبو وضعیت دوام قیلگن صورت‌ده، اولر تشخیص و درمان اوچون امکانیت کم‌لیگی بیلن روپه‌رو بولیش‌لری ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، کولرا کسللیگی علایمی بیلن انتانی کسل‌خانه‌سی گه مراجعت قیلگن کسل‌لر هم حیات کیچیره‌دیگن منطقه‌لریده اوشبو کسل‌لیک نینگ کوپه‌یگنی نی اَیته‌دیلر. اولر نینگ تاکید قیلیش‌لریچه، کسل‌خانه‌ده دارو و امکانیت کم‌لیگی بیلن روپه‌رو بولگنلر.
انتانی کسل‌خانه‌ده‌گی کسل‌لردن بیری میرآغا نینگ سلام‌وطندار گه ایتیشیچه: «سونگی کونلرده اوشبو کسل‌لیک کوپه‌یگن، قوشنی‌لردن خبریم بار اولردن قطاری کسل‌خانه گه مراجعت قیلگنلر، فامیل‌لردن قطاری اوشبو کسل‌لیککه چلینگن.»
شونده‌ی بیرحالده، ساغلیک نی سقلش وزیرلیگی مسئوللری جاری میلادی ییل نینگ باشیدن حاضرگچه ۵۲ مینگ و ۳۹۷ واقعه نی قید قیلگنلریدن خبر بیرهدیلر که بو آره‌ده ۱۵ کیشی اوشبو کسل‌لیک باعث، جان بیرگن.
بیزلرنینگ توییترده هم تعقیب قیلینگ!
ساغلیک نی سقلش وزیرلیگی سوزلاوچیسی جاوید هژیر نینگ سلام‌وطندار گه ایتیشیچه، کوپینچه آمار کابل، هلمند، هرات، قندهار و ننگرهارده قید ایتیلگن.
شونده‌ی بیرحالده، سونگی کونلرده ولایت‌لردن قطاریده یوزلرچه کیشی نینگ کولرا گه اوخشه‌گن کسل‌لیککه چیلینگنی خصوصیده گزارش‌لر ترقه‌تیلگن.
کولرا یوقه‌یدیگن کسل‌لیک دیر که ناپاک سوو و ییمک آرقه‌لی انسان گه انتقال قیله‌دی. داکترلر کولرا نی حاد و اولدیره‌دیگن کسل‌لیک عنوان قیلگنلر.
