کابل بلدیه‌سی اطراف-محیط نینگ افلاس‌لنمه‌یشی مقصدی‌ده، اوتگن کون کابل شهریده بیر هفته‌لیک لته‌یی خلته‌لر (خریطه‌لر) نینگ ترقه‌تیش کمپاینی نی «پلاستیکی خلته‌لر گه یوق دیه‌یلیک» شعاری بیلن باشله‌گن.
کابل بلدیه سوزلاوچیسی نعمت‌الله بارکزی، اهالی‌دن پلاستیکی خلته‌لردن قوللنیش اورنیده، قاغازی یا-ده لته‌یی خلته‌لردن قوللنیش‌لری نی ایسته‌گن.
بیزلرنینگ فیسبوک صحیفه‌میزگه باش اورینگ!
کابل بلدیه سوزلاوچیسی نعمت‌الله بارکزی نینگ ایتیشیچه: «اطراف-محیط افلاسلیگی کمه‌یشی مقصدی‌ده پلاستیکی خلته‌لر اورنیده لته‌یی خلته‌لردن قوللنیش مدنیتی نی ترغیب قیلیش اوچون هر آی بیر هفته‌لیک کمپاین نی پیشنهاد بیره‌میز.»
شونینگدیک کابل یشاوچیلریدن قطاری، شهر ده پلاستیک آرقه‌لی اطراف-محیط افلاسلیگی کوپه‌یگنیدن شکایت قیلیب و اهالی‌دن، پلاستیکی خلته‌لردن آزراق قوللنیش‌لری نی ایسته‌گن.
کابل یشاوچیلریدن بیری دلاور عزیزی نینگ ایتیشیچه:«پلاستیکی خلته‌لردن قوللنیش، شهر نینگ چیرایلیگی نی اورته‌دن کیتکزه‌دی و اهالی پلاستیکی خلته‌لر اورنیده باشقه نرسه قوللنیش‌لری کیره‌ک.»
کابل یشاوچیلریدن باشقه بیری حکمت‌الله، پلاستیکی خلته‌لردن قوللنیشی نتیجه‌سیده اورته گه کیله‌دیگن زیان‌لر گه اشاره قیلیب و ایتیشیچه: «پلاستیکی خلته‌لر تیز اورته‌دن کیتمه‌یدی و هوا افلاسلیگی گه سبب بوله‌دی. اهالی‌دن قاغازی و لته‌یی خلته‌لردن قوللنیش‌لری نی ایسته‌یمیز.»
بیزلرنینگ توییترده هم تعقیب قیلینگ!
شونده‌ی بیرحالده، داکترلردن قطاری پلاستیک‌دن قوللنیش، عصبی، اوقووسیزلیک، حوصله‌سیزلیک، چرچه‌ماق، دوام‌دار یوتل، نفس تنگی، اسپرم کمه‌یشی، تغمه نقصان‌لر، ایشیتیش و کوریش کسل‌لیکلری گه سبب بوله‌دی.
کابل نینگ انتانی کسل‌خانه‌سیده‌گی داکترلردن فرید‌الله عمری نینگ ایتیشیچه: «پلاستیک‌دن قوللنیش، مملکت یشاوچیلری نی کوپینچه کسل‌لیک بیلن روپه‌‌ره قیله‌دی و یشاوچیلر ییمک و ییگولیک ماده‌لری اوچون پلاستیکی خلته‌لردن قوللنمه‌یشلری کیره‌ک.»
باشقه بیر تامان‌دن، اطراف-محیط بیرلرمان‌لریدن قطاری اهالی‌دن، اطراف-محیط افلاس‌‌لیگی‌دن توسیق بولیش اوچون، پلاستیکی چیقیندیلری نی ییر گه کومیش‌لری نی ایسته‌گن. اطراف-محیط بیلرمانی عبدالهادی اچکزی نینگ ایتیشیچه: «دولت یالغیز اوزی اطراف-محیط افلاسلیگی بیلن مقابله قیله‌آلمه‌یدی و اهالی، بو بولیم‌ده کابل بلدیه‌سی بیلن همکارلیک قیلیشی کیره‌ک. شونینگدیک پلاستیکی چیقیندی‌لر نی ایسه کومیب یا-ده اوت بیریش‌لری کیره‌ک.»
شونده‌ی بیرحالده، ارزان‌لیک تیزلیککه قولگه کیلیشی قولای بولگنی سبب، پلاستیکی خلته‌لردن قوللنیش کابل شهریده حددن آشگن بیر شکلده دوامی بار. ایش بیلرمان‌لر گه کوره، درست بیر شکلده قوللنیش مدنیتی بولمه‌گنی سبب، اطراف-محیط نینگ افلاسلیگی گه سبب بولیب و یشاوچیلر حیاتی برابریده تهدید دیر.
