کابل قماقخانهسیدهگی ۸۶ محبوس عیال، تیکووچیلیک و بیکدوزلیکنی اورگهنیش آلتی آیلیک دورهلرینی بیتیریب و بوگون (۶-اسد، سهشنبه)، بیتیریش سندینی قولگه کیلتیرگنلر. بو برنامه «افغانستان ترقیاتی و رواجلنیش خذمتلری» موسسهسی همکارلیگی بیلن اوتکزیلگن.
قماقخانهلر ایشلرینی ترتیبگه سالیش ادارهسی سوزلاوچیسی محمدنسیم لالهاندنینگ ایتیشیچه، ۶۰ کیشی تیکووچیلیک و باشقه ۲۶ کیشی بیکدوزلیک بولیمیده تعلیم کوریب و اولر حبسدن آزاد بولیشدن کیین بو مهارتلردن فایدهلنیش بیلن اوزلریگه ایش و درآمد امکانیتینی یرهته آلهدیلر. «کابل دهگی عیاللر قماقخانهسیده، ۸۶ عیال اوچون آلتی آیلیک بیر دوره اوتکزیلدی که بو برنامهده، اولرگه تیکووچیلیک و بیکدوزلیک اورگهتیلیب و بوگون اولرگه بیتیریش سندی ترقهتیلدی.»
بو بیلن بیرگه، قماقخانهلر ایشلرینی ترتیبگه ساتیش ادارهسینینگ تعلیم و تربیه باشلیغی نظرمحمد ناصریگه کوره، اسلام امیرلیگینینگ قدرت گه ایریشگنیدن کیین، قماقخانهلر محکوملرنینگ سقلهنیش جاییدن اصلاح بولیش، سوادخوانلیک، حرفهای تعلیملر و تعلیمی همده سپورت فعالیتلری مرکزلریگه اوزگرگن. «قماقخانهلر توهین و حقارت جایی ایمس؛ اصلاح بولیش، سوادخوانلیک، حوفه اورگهنیش، مدرسه و سپورت جایی دیر. برچه بولیملریمیز فعال دیر.»
شوندهی بیرحالده، بو دورهلرنی بیتیرگن حبسدهگی عیاللردن قطارینینگ ایتیشلریچه، اوشبو مهارتلرنی اورگهنیش اولرنینگ کیلهجگی اوچون ینگی امیدنی یرهتگن.
ایکی ییلدن بیری حبس گه بولگن بیش فرزند آنهسی بولمیش ۳۴ یاشر مارینانینگ ایتیشیچه، مذکور مهارتلرنی اورگهنیش حبسدن آزاد بولیشدن کیین ایشلب عایلهسینینگ نیازلریدن بیر بولیمی تامین قیله آلیشی توغریسیده بیر امکانیتنی یرهتگن. «تیکووچیلیک، گلدوزلیک و بیکدوزلیک دیپلومیگه ایگهمین. بیش فرزندیم بار و انه شوو کسب-کار بیلن اولرگه یخشی بیر کیلهجکنی توزتماقچینمین.»
اوچ باله آنهسی و تورت ییلدن بیری حبس گه بولگن ۲۶ یاشر نورضیانینگ ایتیشیچه، قماقدن قوییب یوباریلیشدن کیین اورگنگنی مهارتلردن بالهلریگه یخشی بیر کیلهجکنی توزهتیش اوچون فایدهلنیشگه قرار آلگن. «آلتی آیدن بیری بو ییرده تیکووچیلیکنی اورگنهمن. بو تعلیملر جودهیم یشخی دیر. اوچ بالهم بار و بو ییردن آزاد بولگنیمدن کیین اوشبو مهارتلردن فایدهلهنیب و اولرگه یخشی شکلده قره آلهمن. کوپ نرسهنی اورگندیم.»
شونینگدیک ۳۰ یاشر گلچهره، مسئوللردن حبس دهگی عیاللرنینگ آزاد بولیشدن کیین اوز مهارتلریگه تکیه قیلیب، عایلهلرینینگ صرف-خرهجتلرینی تامین قیله آلیشلری مقصد، اولردن برچهسی اوچون بو کبی تعلیملر دوام قیلیشی امکانیتی یرهتیلیشینی ایستهیدی. «بو ییرده تیکووچیلیک، گلدوزلیک و بیکدوزلیکنی اورگندیم. امید قیلهمن که آزاد بولیشدن کیین بیز عیاللرگه ایش زمینهسی یرهتیلسه که یخشی بیر حیاتگه ایگه بوله آلسهک.»
قماقخانهلر ایشلرینی ترتیبگه سالیش ادارهسینینگ معلوماتی اساسیده، حاضر کابل قماقخانهلریده قریب ۴۵۰ عیال حبس گه دیر. بو آرهده ۱۵۰ تهسی دینی و حرفهای تعلیملر دستورلریگه شرکت قیلیب و بو تعلیملر اوچون نیاز بولگن وسیلهلر و امکانیتلر هم اولرنینگ اختیاریگه قرار تاپگن.
