سالیق یوقاری‌لیگی بیر قطار دوکاندارلر نینگ شکایتی گه سبب بولگن. شونده‌ی بیرحالده، غزنی ولایتیده مه‌ییز سرایی‌ده‌گی دوکاندارلر سالیق یوقاری‌لیگی طفیلی اوتگن کون‌دن بیری اعتصاب قیلگن‌لر.
اولر نینگ ادعا قیلیش‌لریچه، مالیه نرخی اوتمیش ییل‌لر گه قره‌گنده نیچه برابر کوپه‌یگن دیر.
غزنی ولایتی‌ده‌گی دوکان‌دارلردن نصرت نینگ ایتیشیچه: «بو ییل مالیه نی ۳۰ مینگ و ۴۰ مینگ دیب ایتدیلر. انه شوو سبب، دوکاندارلر دوکان‌لری نی یاپدیلر.»
بیزلرنینگ فیسبوک صحیفه‌میزگه باش اورینگ!
شونینگدیک غزنی ولایتی‌ده‌گی دوکان‌دارلردن باشقه بیری جمشید نینگ ایتیشیچه: «اوتمیش ییل دوکانی‌میز نینگ مالیه‌سی سکیز‌مینگ‌دن اون مینگ‌گچه ایدی. اونچه هم کوپ ایمس ایدی؛ بیراق بو ییل هر بیر دوکان نینگ مالیه‌سی نی ۴۰ مینگ، ۵۰ مینگ یا-ده ۶۰ مینگ یازگنلر که، اهالی نینگ کوچی ییتیشمه‌یدی.»
مذکور دوکاندارلر نینگ اورغولشیچه، آز درآمد تاپیش‌لری سبب، یوقاری سالیق‌‌نی توللش گه قادر ایمس‌لر.
شونده‌ی بیرحالده، کابل ده‌گی دوکان‌دارلردن قطاری هم، سالیق یوقاریلیگیدن شکایت قیلهدیلر. اولر گه کوره، جاری ییل‌ده کوپراق مالیه کیلگن و بو، ایش‌لری نینگ سقوط قیلیشی گه سبب بولگن.
کابل شهری‌ده‌گی دوکان‌دارلردن مسعود نینگ ایتیشیچه: «دوکان‌دارلردن بیر قطاری ایشی نی قویبیرگن و بیر قطاری ایسه ساحه‌دن کیتگن، چونکه حتی جواز گه کوچلری ییتیشمه‌یدی و حاضر ایسه مالیه هم کیلگن.»
بیراق مالیه وزیرلیگی مالیه کوپه‌یشی خصوصیده‌گی ادعا‌لر نی رد قیلیب و ایتیشیچه، جاری ییل‌ده مالیه توپلش طرز‌العملی، نظیری کوریلمه‌گن درجه‌ده کوپه‌یگن دیر.
اوشبو وزیرلیک سوزلاوچیسی احمد‌ولی حقمل نینگ سلام‌وطندار گه ایتیشیچه، اوتمیش ییل‌لرده فساد بارلیگی سبب، دوکان‌دارلردن قطاری نینگ مالیه‌سی آز یازیلگن دیر.
اونینگ کوپه‌یتیریشیچه: «یوز فایز‌دن ۷۵ فایز مالیه نورمی نی قویی کیلتیردیک، بعضی ییر‌لرده شکایت بار، سالیق نورمی یوقاری کیتمه‌گن لیکن، مذکور منطقه‌لرده اوتمیش ییل‌لر مامورلر نینگ کیتمه‌ی مالیه توپلمه‌گنی یا-ده مالیه فساد موجود‌لیگی سبب، توللنگن و حقیقی اندازه‌گچه ایمس ایکن.»
بیزلرنینگ توییترده هم تعقیب قیلینگ!
شونده‌ی بیرحالده، اقتصادی ایش بیلرمان‌لر سالیق توپلنیشی پروسه‌سیده قیین‌چیلیک ایجاد قیلیش یشاوچیلری نینگ زیانی گه دیب عنوان قیلگن.
اقتصادی ایش بیلرمان‌لردن نصیر‌احمد رشتیا نینگ ایتیشیچه: «سالیق توپلنیشی پروسه‌سیده قیین‌چیلیک ایجاد قیلیش، اهالی ایشی نی رواجلنتیرمه‌ی و سالیق معافینی موجود بولگن ییر گه فکر قیلیش‌لری گه سبب بوله‌دی.»
عین حالده، مالیه وزیرلیگی نینگ اورغولشیچه، حاضر هم بیر قطار کیشی سالیق‌دن قاچیش اوچون تورلی‌خیل بهانه‌لر بیلن قاچاماقده‌لر.
