اسلامی امارت مالیه وزیرلیگی نینگ اعلام قیلیشیچه، برچه دولتی ایشلاوچیلرنینگ اوچ آیلیک (سنبله، میزان و عقرب) معاش‌لرینی توللنیشی بوگون (شنبه ۲۹- عقرب) دن باشلنه‌دی.
اسلامی امارت سوزلاوچیسی نینگ اورین‌باسری انعام‌الله سمنگانی، بو موضوع نی مالیه وزیرلیگیدن نقل قیلیب توییتر صحیفه‌سیده اعلام قیلگن. مالیه وزیرلیگی سوزلاوچیسی احمدولی حقمل بوگون کابل ده خبری بیر ییغینده نطق سوزله‌گن.
سمنگانی مالیه وزیرلیگیدن نقل قیلیب یازیشیچه، اوتگن اوچ آیده ۲۶.۹۱۵ میلیارد افغانی توپلنگن. اونگه کوره، یالغیز اوتگن هفته چهارشنبه کونیده ۵۵۷ میلیون افغانی عواید توپلنگن.
بیزلرنینگ فیسبوک صحیفه‌میزگه باش اورینگ!
طالبان مالیه وزیرلیگی سوزلاوچیسی بوگون خبری بیر ییغین اوتکزیب ایتیشیچه، متقاعد کیشیلرنینگ معاش‌لری هم تیزلیککه توللنه‌دی. اونینگ ایتیشیچه، بو توغریده تخنیکی قیینچلیکلر بار که اونینگ حل ایتیلیشی اوچون سعی و حرکت‌لرنی دوامی بار.
سابق حکومت طالبان قولیگه سقوط قیلگنیدن بویان دولتی ایشلاوچیلر هردایم معاش‌لری نینگ توللنیشی نی سوره‌ب و شونینگدیک ناراضلیک نمایش هم یولگه قویگن ایدیلر.
