نماینده‌لر کینگشی نینگ مالی و بودجه کمیسیونی باشلیغی میرافغان صافی نینگ ایتیشیچه، اوقیتوچیلر، قویی درجه‌لی دولت ایشلاوچیلری و اجیرلرنینگ معاشی کوپه‌یشی خصوصیده حکومت بیلن کیلیشگنلر.
مذکور کیلیشوو بوگون (چهارشنبه ۲۹- دلو) نماینده‌لر کینگشی نینگ مالی و بودجه کمیسیون اعضالری و مالیه وزیرلیگی نینگ مالی معینی و ملی بودجه باشلیغی آره‌سیده صورت تاپگن. بو کیلیشوو اساسیده، قویاش ۱۴۰۰- ییل نینگ حمل آیی‌دن اوقیتوچیلر و قویی مرتبه‌لی دولت ایشلاوچیلری نینگ معاشی ۲ مینگ کوپه‌یشی ممکن.
ایکی کون آلدین مالیه وزیرلیگی سرپرستی محمدخالد پاینده، قویاش ۱۴۰۰- ییل ده اوقیتوچیلر و قویی مرتبه‌لی دولت ایشلاوچیلری نینگ معاشی کوز گه کورینرلیچه یوقاری کیتیشی ممکن دیگن ایدی.
جاری ییل ۱۷- جدی نماینده‌لر کینگشی دولت ایشلاوچیلری نینگ معاشی تینگ بولیشی اوچون بیر ریجه نی تصویب قیلیب و حکومتدن بو ریجه نینگ ۱۴۰۰- مالی ییل بودجه‌سیگه کیریتیشی نی سوره‌گن ایدی.
