مالیه وزیرلیگی بودجه تصویب بولمهگنیدن خواطر بیلدیریب ایتیشیچه، بودجه نینگ اوچینچی لایحهسیده کینگش نینگ ایستهکلری کیریتیلگن و بو لایحه نمایندهلر کینگشی تامانیدن تصویب بولیشی کیرهک. مذکور وزیرلیک نینگ آگاهلنتیریشیچه، بودجه تصویب بولمهگن صورتده، قشاقلیک و اقتصادی قیینچلیکلر میزانی یوقاری کیتیشی ممکن.
بوگون (پنجشنبه ۲۳- دلو) مالیه وزیرلیگی سرپرستی محمدخالد پاینده کابل ده «دولت نینگ ملت گه حساب بیریش» برنامهسیده ایتیشیچه، نمایندهلر کینگش اعضالری نینگ ایستهکلریگه توجه قیلینگن و بودجه نینگ اوچینچی لایحهسیده اولرنینگ ایستهکلری کیریتیلگن.
مالیه وزیرلیگی سرپرستی گه کوره، معقول ایستهکلر و مالی امکانیت نقطهی نظردن عمل گه آشیریلهدیگن ایستهکلر بودجه نینگ اوچینچی سندی گه کیریتیلگن.
مالیه وزیرلیگی سرپرستی نینگ کوپهیتیریشیچه، اوقیتووچیلرنینگ معاشی کوپهیشی اوچون «اِنتیای» معاشلر تیکشیریلیب و اونینگ اساسیده صرفهجویلیک قیلینیشی کیرهک. اونگه کوره، بو اداره اوقیتووچیلر و قویی مرتبهلی دولتی ایشلاوچیلرنینگ معاشی نی تینگ قیلیش اوچون خاص بیر کود ایجاد قیلیب و بو کود اوچون ۱.۷ میلیارد افغانی نظرگه آلگن.
مالیه وزیرلیگی سرپرستی بیاناتی نینگ بیر بولیمیده ایتیشیچه، افغانستان اقتصادی کرونا ویروسی باعث رکود گه دوچ کیلگن و شوندهی بیر حالده بودجه لایحهسی تصویب بولمهیشی بو وضعیت نی فاجعهلی قیلیشی ممکن. اونگه کوره، بودجه لایحهسی نینگ تصویب ایتیلیشی هر قنچهلیک کیچیکتیریلگن حالده، اوشنچهلیک ملی عواید ضرر کوریب و قشاقلیک میزانی یوقاری کیتهدی.
شوندهی بیرحالده، گزارشلر اساسیده افغانستان یشاوچیلریدن کمیده ۱۰ میلیون تهسی توییب اَوقتلنمهسلیک خوفی گه قرار تاپگن. مالیه وزیرلیگی نینگ اورغولشیچه، بودجه نینگ تصویب بولمهیشی بو وضعیت نینگ کوپهیشی گه سبب بولهدی و شو یوزهدن مذکور وزیرلیک نمایندهلر کینگشیدن تیزلیککه بودجه نی تصویب قیلیشلرینی سورهگن.
ایتیش کیرهک کیم بودجه نینگ لایحهسی حاضرگچه ایکی مرته نمایندهلر کینگشی تامانیدن رد بولدی.