نماینده‌لر کینگشی اعضالری ۱۴۰۰- مالی ییل بودجه‌سی نینگ ۳- مسوده‌سینی نابرابر عنوان قیلیب ایتیش‌لریچه، اولر بودجه ۲- مسوده‌سینی رد قیلیب و مالیه وزیرلیگی دن اصلاحات کیلتیریشی‌نی ایسته‌گن ایدی‌لر، بیراق بودجه ۳- مسوده‌سیگه مالیه وزیرلیگی تامانیدن هیچ‌قنده‌ی اوزگرشلیک کیلتیریلمه‌گن.
بوگون “دوشنبه” نماینده‌لر کینگشی اعضالری نینگ اوشبو کینگش عمومی ییغینیده ایتیش‌لریچه، ۱۴۰۰- مالی ییل بودجه‌سی نینگ ۳- مسوده‌سیگه کوزگه کورینه‌رلی اصلاحات کیلتیریلمه‌گن.
نماینده‌لر کینگشی عضوی خان‌آقا رضایی نینگ ایتیشیچه، بودجه ۳- مسوده سیده اهالی نینگ اساسی نیازمندلریگه دقت قیلینمه‌گن. او، اصلاحات کیلتیریلمه‌گن صورتده، اوشبو بودجه نینگ تصویب ایتیلیشینی اهالی‌گه قرشی جفا عنوان قیلگن.
نماینده‌لر کینگشی اعضالریدن باشقه بیرقطاری نینگ ایتیش‌لریچه، ۱۴۰۰- مالی ییل بودجه‌سی نینگ ۳- مسوده سیده دولت ایشلاوچی‌لری حقوق‌لری نینگ کوپه‌یتیریلیشی خصوصیده تغییرات کیلتیریلمه‌گن.
کینگش اعضالریدن بولمیش میرزاحمد کتوازی نینگ ایتیشیچه: « بودجه اصول‌نامه‌سی نینگ یالغیز ۴۸- ماده سیده دولت ایشلاوچی‌لری نینگ حقوق‌لری کوپه‌یتیریلیش ریجه‌سی اداره‌لرگه اصلاحات کیلتیریش کمیسیونی و مالیه وزیرلیگی تامانیدن تیارلنیب و تیکشیریلیش اوچون نمانیده‌لر کینگشی گه ارایه قیلینیشی ایتیلگن.»
نماینده‌لر کینگشی اعضالریدن باشقه بیری نسیم مدبر نینگ ایتیشیچه، دولت ایشلاوچی‌لری حقوق‌لرینی برابر قیلیش اوچون کمیده ۱۰ میلیارد افغانی نیاز، لیکن مالی ییل بودجه‌سی نینگ ۳- مسوده سیگه یالغیز بیر یریم میلیارد افغانی کوپه‌یتیریلگن.
بیراق، نماینده‌لر کینگشی اعضالریدن باشقه بیرقطاری، بودجه ریجه‌سی نینگ نماینده‌لر کینگشی تامانیدن تیزلیککه تصدیق‌لنیشینی ایسته‌گنلر.
بوتوغریده مالیه وزیرلیگی فکرینی آلیش اوچون سعی و حرکت قیلدیک، لیکن ملی بودجه باشلیغی سیدنصیر احمد دوام‌لی تماسی‌میزگه جواب قیترمه‌دی
