بوگون “شنبه” نماینده‌لر کینگشی ۱۷- دوری نینگ ۳ ییلی ایشی رسمی شکلده باشلندی.
بوتوغریده یولگه قوییلگن مراسمده نماینده‌لر کینگشی باشلیغی میررحمان رحمانی، حکومت تامانیدن سرپرستلیک فرهنگی یکونلنتیریلیشی‌نی ایسته‌گن.
نماینده‌لر کینگشی باشلیغی نینگ ایتیشیچه، مدیریت قیین‌چیلیکلرنی حل قیلیش و ایش‌نی یخشی تنظیم قیلیش اوچون ینگی نامزد وزیرلرنی ایجابی آواز قولگه کیلتیریشی اوچون نماینده‌لر کینگشی‌گه تانیتیلیشی کیره‌ک. جناب رحمانی‌گه کوره، نماینده‌لر کینگشی قراری‌گه حرمت قیلیش اساسی قانون‌گه حرمت قیلیش دیر.
عین‌حالده، مملکت جمهور رییسی محمداشرف غنی نینگ ایتیشیچه، جمهور رییس صفتیده اوچ قوه آره‌سیده همکارلیک روحیه‌سینی کیلتیریش اوچون سعی و حرکت قیلگن.
محمداشرف غنی نینگ ایتیشیچه: « مین جمهور رییس صفتیده هردایم ۳ قوه آره‌سیده همکارلیک صورت تاپیشی اوستیگه تاکید قیلگنمن و اصل جموریت نینگ اساسی بیر بولیمی دیر. نماینده‌لر کینگشی یمان شرایط ده حکومت یانیده قرار تاپگن و مذاکره آرقه‌لی موجود بولگن تفاوت‌لرنی حل قیلدیک.»
معارف، مدنیت و معلومات، عیاللر و قیشلاقلرنی رواجلنتیریش وزیرلیگی و شونینگدیک مرکزی بانک سرپرست‌لر تامانیدن مدیریت ایتیله‌دیگن بیر حالده، نماینده‌لر کینگشی سرپرستلیک فرهنگی یکونلنتیریلیشی‌نی ایسته‌گن.
