بدخشان مرکزی فیض‌آباد شهری ده اسلام امیرلیگی کوچلری گه داعش گروهی نینگ هجومیدن بیر کون اۉتگچ، اسلام امیرلیگی سۉزلاوچیسی اۉرین باسری حمدالله فطرت نینگ سلام‌وطندار گه ایتیشیچه، افغانستان ده داعش نینگ سۉنگی هجوملری، چیت ایل‌لیک فقرالر تامانیدن اۉیوشتیریلگن.
اونینگ کوپه‌یتیریشیچه: «بو کبی واقعه‌لر یوزبیره‌دی، بو واقعه‌لر عامللری منطقه مملکت‌لر نینگ فقرالری دیر و اوشبو مملکت‌لر آرقه‌لی افغانستان گه کېله‌دیلر. اسلام امیرلیگی کوچلری بوکیشی‌لرنی قولگه آلیش و بو کبی واقعه‌لر گه توسیق بولیش اوچون اېریم ریجه‌لرنی نظر گه آلگن.»
بیزلرنینگ فیسبوک صحیفه‌میزگه باش اورینگ!
اۉتگن کون اسلام امیرلیگی مدافعه وزیرلیگی، پاکستان نی داعش جنگری‌لری گه افغانستان گه اۉتیش اوچون اوشبو مملکت توپراغیدن فایده‌لنیش گه رخصت بیریش گه عیبله‌گن.
بوندن آلدین، اسلام امیرلیگی تشقی ایشلر وزیرلیگی سرپرستی امیرخان متقی، داعش گروهی منطقه ده اوچ مملکت تامانیدن قۉللب-قوتلنیشنی ادعا قیلگن اېدی.
عین‌حالده، خوفسیزلیک مسئله‌لر ایش بیلرمان‌لریدن بیرقطاری، پاکستان افغانستان ده داعش گروهینی قۉللب-قوتلش گه ایشانه‌دیلر.
بیزلرنینگ «ایکس» ترماغی ده هم تعقیب قیلینگ!
خوفسیزلیک مسئله‌لر ایش بیلرمانی عزیز استانکزی گه کوره: «پاکستان افغانستان نینگ ایچکی ایشلری گه اره‌لشدن قول تارتیشی کېره‌ک و امریکا کبی بویوک مملکت‌لر افغانستان گه مخرب گروه‌لرنی یوللـه‌مسلیک اوچون پاکستان گه باسیم کېلتیریشی درکار.»
افغانستان نینگ پاکستان بیلن اوزاق مصافه‌لی چېگره‌سی بار و حاضرگی کونده چېگره‌لرینی نظارت اېتیش اوچون یېترلیچه کوچی یوق و ېنه بیر تاماندن مملکت هوا حریمی اسلام امیرلیگی تامانیدن بوتونلی باشقریلمه‌یدی، بو ایکّی مورد افغانستان ده عصیانچی گروه‌لر کوچه‌یشی گه سبب بولگن.
