اسلام امیرلیگی تشقی ایشلر وزیرلیگی سرپرستی امیرخان متقی، شنبه کونی، ۴-قوس، روسیه ایلچیسی دیمیتری ژیرنوف بیلن کابل ده اوچره‌شگن. اسلام امیرلیگی تشقی ایشلر وزیرلیگی گه کوره، اوشبو اوچره‌شووده افغانستان و روسیه نینگ سیاسی و اقتصادی مسئله‌لری محاکمه قیلینگن.
تشقی ایشلر وزیرلیگی سوزلاوچیسی نینگ اورین باسری ضیااحمد تکل نینگ ایتیشیچه: «کابل ده روسیه ایلچیسی دیمیتری ژیرنوف افغانستان اسلام امیرلیگی تشقی ایشلر وزیری امیرخان متقی بیلن ملاقات قیلدی. بو اوچره‌شوو ده افغانستان و روسیه نینگ سیاسی و اقتصادی مناسبت‌لری، منطقه و خلق‌ارا مسئله‌لر همده تعلیمی و فرهنگی موضوع‌لر بحث گه آلینگن.»
اسلام امیرلیگی نینگ مخالف‌لری شامل سابق حکومت سیمالری دن بیرقطاری، ایکی کون آلدین روسیه پایتختی مسکو ده ییغیلیش اوتکزگن بیر حالده، کابل ده مملکت تشقی ایشلر وزیرلیگی سرپرستی امیرخان متقی روسیه ایلچیسی بیلن اوچره‌شگن.
بیزلرنینگ فیسبوک صحیفه‌میزگه باش اورینگ!
بونگه قوشیمچه، روسیه بوندن آلدین ایریم ییغیلیش‌لر چوکاتیده اسلام امیرلیگی رسمی‌لری دن نیچه مرته میزبان‌لیک قیلگن.
سیاسی ایش بیلرمان‌لردن بیرقطاری نینگ ایتیشلریچه، روسیه افغانستان سرپرست حکومتی و مخالف‌لری دن علیحده میزبان‌لیک قیلیش بیلن، بو مملکت نینگ افغانستان بیلن مناسبتی مستحکم‌سیزلیگیدن درک بیره‌دی.
سیاسی مسئله‌لر ایش بیلرمانی نجیب‌الرحمان شمال نینگ سلام‌وطندار گه ایتیشیچه: «سیاست نینگ دوست و دشمنی دایمی ایمسلیک مقوله‌سی بار، هر کیم دنیا نینگ تورلی مملکت‌لری اینیقسه افغانستان کبی اولکه‌لرده ملی منفعت‌لری آرتیده دیر. اوتگن کون روسیه فرمت مسکو ییغیلیشینی اوتکزیب و بو ییغیلیش ده سرپرست حکومت تشقی ایشلر وزیرینی چقیرگن بولسه ده، بیراق حاضر روسیه نینگ سیاسی حزب‌لری دن بیری سرپرست حکومت نینگ مخالف سیمالری دن میزبان‌لیک قیلدی.»
روسیه، افغانستان ده اسلام امیرلیگی حاکمیت نی آلگندن کیین مناسبتی گه دوام بیرگن اولکه‌لردن بولیب و اسلام امیرلیگی بیلن سیاسی و دیپلوماتیک رابطه‌سی بار.
برچه‌سی بیلن، قطار ایش بیلرمان‌لر نینگ ایشانچی گه کوره، روسیه اوکراین اوروشی کبی تارتیشوولر بیلن دوچ ایکن، افغانستان بیلن مناسبتی بوزیلیشینی ایستمه‌یدی.
بیزلرنینگ «ایکس» ترماغی ده هم تعقیب قیلینگ!
سیاسی مسئله‌لر ایش بیلرمانی ولی فروزان گه کوره، روسیه افغانستان بیلن دایمی رابطه‌سی دن خواطر ده و اسلام امیرلیگی حاکمیتیده افغانستان بیلن مناسبتینی سقلش اوچون تلاش قیلماقده.
او نینگ کوپه‌یتیریشیچه: «حاضرگی کونده امریکا و اروپا مملکت‌لری، بشری وضعیت اوچون افغانستان گه پول بیریشماقده و روسیه هم بو وضعیت نی کوزه‌تماقده، بو یاردم‌لر اسلام امیرلیگینی جهانی رقابت‌لر ده امریکا و غرب تامان جذب قیلیشی ممکن، شونی اوچون روسیه سرپرست حکومت نینگ مخالف‌لری ییغیلیشی دن بو حکومت گه قرشی فایده‌لنیش نیتیده بولیب و اسلام امیرلیگی غرب مملکت‌لری گه یقین‌لنگن حالده، روسیه بو حکومت نینگ مخالف‌لری دن حمایت قیلیشینی معلوم قیلگن‌لیگی ممکن.»
ایتیش کیره‌ک، روسیه اسلام امیرلیگی نی تن آلگن بولمسه ده، بیراق ایریم موردلرده سرپرست حکومت بیلن مناسبت‌لری رسمی دیر.
